O‘zbek boks maktabi tarbiyalanuvchilari havaskorlar o‘rtasida ham, professionallar orasida ham yuqori nufuzga ega charm qo‘lqop ustalari hisoblanadi.
Aksariyat bokschilarimiz bir paytning o‘zida har ikki yo‘nalishdagi faoliyatini davom ettirmoqda. Xususan, havaskorlar o‘rtasidagi barcha nufuzli va yirik musobaqalarda bir necha marotabadan oltin medallarni o‘ziniki qilgan Hasanboy Do‘smatov hali bu yo‘nalishdagi faoliyatini to‘xtatgani yo‘q.
2024 yil 31 yoshli charm qo‘lqop ustasi uchun juda muvaffaqiyatli kelib, Hasanboy ikkinchi vaznda ham Olimpiya o‘yinlari g‘olibligini qo‘lga kiritdi. Parijdagi musobaqa davomida Do‘smatov o‘z vaznidagi barcha asosiy raqiblarini mag‘lub etishni uddaladi va yana bir karra tengsiz ekanini isbotlab qo‘ydi.
Hamyurtimizning chorak finalda qozog‘istonlik ashaddiy raqibi Saken Bibosinovga qarshi o‘tkazgan g‘alabali jangi Olimpiya o‘yinlarining eng keskin va murosasiz uchrashuvi sifatida e’tirof etildi.
Shu bilan birga Hasanboy Do‘smatov professional bokschi maqomini ham saqlab turibdi. Garchi hamyurtimiz bu yil hisobida hali birorta professional jangda ishtirok etmagan bo‘lsa-da, nufuzli yo‘nalishlari o‘z reytinglarida “Professor”ga joy berib kelmoqda.
Xususan, Hasanboy Do‘smatov yengil vaznda WBA reytingida birinchi raqamli bokschi hisoblanadi. WBC ekspertlari hamyurtimizni o‘z reytingida uchinchi o‘ringa joylashtirgan. WBO reytingida andijonlik charm qo‘lqop ustasi o‘ninchi pog‘onada qayd etilgan.
Eng nufuzli resurslardan hisoblangan The Ring jurnali talqiniga ko‘ra, Hasanboy yengil vazn toifasidagi dunyoning eng zo‘r bokschilari orasida sakkizinchi qatordan o‘rin oldi.
Shunga qaramay, o‘zbek bokschisi Boxrec tashkilotining yangi reytingidan chiqarildi. Bunga Do‘smatovning faol emasligi sabab bo‘ldi. Boxrec reyting tuzishda bir yil davomida professional ringda jang o‘tkazmagan bokschilarning ko‘rsatkichlarini inobatga olmaydi.
Do‘smatov esa, oxirgi professional jangini 2023 yilning 6 noyabrida o‘tkazgan. Rossiya poytaxti Moskva shahrida tashkil etilgan o‘sha uchrashuvda hamyurtimiz Janubiy Afrika Respublikasi vakili Simpxamandla Balenini o‘n raundlik jangda ochkolar hisobida mag‘lub etgan edi.
O‘shandan beri Hasanboy faqat havaskorlar o‘rtasidagi musobaqalarda ishtirok etib keldi va oxir-oqibat Boxrec reytingidan chiqib ketdi.
Endi qolgan tashkilotlar Hasanboy Do‘smatovga nisbatan qanday siyosat yuritishini ular o‘z reytinglarini yangilaganida bilib olamiz.
Umuman olganda esa, Do‘smatov professional faoliyatini 2019 yilning noyabrida boshlagan va jami oltita uchrashuvda qatnashib, ularning barchasini o‘z foydasiga hal qilgan. Shulardan beshtasida raqiblarini muddatidan oldin taslim qilgan.
Bundan tashqari, Hasanboy havaskorlar o‘rtasida 124 ta uchrashuvda zafar quchgan va uzoq yillik faoliyati davomida atigi 13 marotaba mag‘lub bo‘lgan.
Hamyurtimiz Butunjahon boks seriyalarida (World Series of Boxing) ikki jamoa – “Ukraina atamanlari” va “Uzbek Tigers” safida jami 23 marotaba ringga chiqib, yarim professional janglarda barcha raqiblarini mag‘lubiyatga uchratgan.
Shuningdek, Xalqaro boks assotsiatsiyasining IBA-Pro yo‘nalishida Tailand va O‘zbekistondagi ikkita jangda Martin Molina va Samuel Karmona singari kuchli raqiblari ustidan ishonchli g‘alabaga erishgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
