Neboysha Yovovich: "Muhimi o‘yinga bo‘lgan tayyorgarlik va g‘alabaga bo‘lgan ishonch"

Xabaringiz bor, ertaga, 27 noyabr kuni "Nasaf" Chempionlar Ligasi-2 guruh bosqich 5-turi doirasida "Al Quvayt" klubini qabul qiladi.

Bugun o‘yindan avvalgi matbuot anjumani bo‘lib o‘tdi va uning birinchi qismida mehmonlar ustozi Neboysha Yovovich va futbolchi Xolid Alxarqavi ishtirok etishdi.

"Dastavval "Nasaf" jamoasini g‘alaba bilan tabriklayman! Ertangi o‘yin haqida gapirsam, jamoamiz bu bahsga to‘liq tayyor. Asosiy maqsadimiz chiroyli o‘yin namoyish qilish. Har ikki jamoaning o‘yin uslubi o‘xshash — hujumni xush ko‘radi. Shu sababli, chiroyli o‘yin bo‘ladi deb o‘ylayman", - dedi Neboysha Yovovich.

Xolid Alxarqavi: "Albatta, ertangi o‘yinga biz 100% tayyormiz. Bu bellashuvga jiddiy e’tibor qaratganmiz va uyga 3 ochko bilan qaytamiz".

Murabbiy: "Bunga alohida to‘xtalishni istamagan bo‘lardim. Har ikki jamoada ham turli muammolar bo‘lishi mumkin tarkibda. Butun jamoa, Xolid aytganidek, o‘yinga tayyor. U 17 yoshda ammo, muhimi o‘yinga bo‘lgan tayyorgarlik va g‘alabaga bo‘lgan ishonch".

Bu Chempionlar Ligasi, xalqaro musobaqa. Guruhda qanday vaziyat bo‘lishiga qaramasdan, biz g‘alaba qozonamiz. Asosiy maqsadimiz ham har keyingi bahsda zafar quchish.

Albatta, "Nasaf"ning o‘yinlarini kuzatib bordim. Bundan tashqari Boshkovich eski qadrdonim, qo‘shimchasiga o‘tgan mavsum Azizbek Amonov hamda Abdulla Abdullayev bilan birga ishlaganman va umuman "Nasaf" bo‘yicha ma’lumotlar bizda yetarli. Shunga qaramasdan, raqib tarkibida biror futbolchi alohida ajratib ko‘rsatmagan bo‘lardim. Ularning barchasi e’tirofga loyiq. Marko Stanoyevich joriy mavsum kamroq o‘ynayotgan bo‘lsada, hurmatga loyiq, tajribali futbolchi. Shuningdek, yana bir bor "Nasaf"ni chempionlik bilan tabriklayman.

Legioner futbolchi mahalliy hamkasblaridan ajralib turishi kerak va bizning legionerlarimizning o‘yinlaridan qoniqyapman". “Zamin” yangiliklarini “Youtube”da kuzatib boring