Abbosbek Fayzullayev o‘ynayotgan SSKA klubi Rossiya kubogi musobaqasining yarim finaliga yo‘llanma oldi.
“Armiyachilar” chorak finalda “Rubin”ga to‘qnash keldi. Qozondagi birinchi uchrashuvda hisob ochilmagan edi. Moskva shahri mezbonlik qilgan javob o‘yinida SSKA futbolchilarini to‘xtatib bo‘lmadi va ular bellashuvning 20-daqiqasidan boshlab, jami 18 daqiqa ichida uchta to‘p kiritdi va yarim final yo‘llanmasi masalasini hal qilib qo‘ydi.
G‘alabaga Abbosbek Fayzullayev juda katta hissa qo‘shdi. Faol o‘ynagan legionerimiz 30-daqiqada jamoasining ikkinchi golini urdi. Mahorat bilan juda murakkab zarba yo‘llab, to‘pni darvozaga joylab qo‘ygan hamyurtimiz bu goli orqali uchrashuv taqdirini hal qilib qo‘ydi.
Qolgan ikki gol Kellven va Tamerlan Musayev hissasiga to‘g‘ri keldi.
Abbosbek Fayzullayev 72 daqiqa harakat qilgan bo‘lsa-da, uchrashuvning eng yaxshi o‘yinchisi, deb topildi va maxsus sovrin bilan taqdirlandi.
Bellashuvdan keyin futbol mutaxassisi Valeriy Masalitin uchrashuv va o‘yin qahramoni Abbosbek Fayzullayev haqida o‘z fikrlarini bildirib o‘tdi.
- Umuman olganda, natija meni qoniqtirdi. Qiziqarli vaziyatlar bo‘ldi, lekin “armiyachilar” o‘yinida aytarli o‘sishlar ko‘ringani yo‘q. Ular juda ko‘p keraksiz va oddiy xatolarga yo‘l qo‘yyapti. “Rubin” futbolchilari zarbasi darvoza ustuniga tekkan vaziyat bo‘ldi, unda yigitlar juda bo‘sh o‘ynadi va raqibni ushlab qola olmadi.
Abbosbek Fayzullayev juda yaxshi o‘ynadi, u o‘zi ko‘nikkan yuqori darajadagi o‘yinini namoyish qildi. Ayniqsa, juda chiroyli gol urdi, bir-ikki harakat bilan to‘pni darvoza to‘riga aniq joylay oldi, - dedi Valeriy Masalitin.
Ta’kidlash joizki, Abbosbek Fayzullayev Parij Olimpiadasidagi ishtirok tufayli SSKAning mavsumoldi yig‘inlarida to‘liq qatnasha olmagan va yozda deyarli dam olib, kuch to‘play olmagan edi. Shu bois, uning o‘yinida chempionat boshida pasayish kuzatildi va legionerimiz tanqidlarga nishon bo‘lgandi.
Biroq keyinchalik 21 yoshli hujumkor futbolchimiz yana sport formasini to‘liq tiklab oldi va SSKAga assistlari va gollari bilan foyda keltirishni boshladi. Bugungi kunda “armiyachilar”ning oldingi chiziqdagi muvaffaqiyatlari ko‘proq hamyurtimizning o‘yiniga bog‘lanib qolgan.
Fayzullayev joriy mavsumda Rossiya Premer-ligasi va mamlakat kubogi doirasidagi uchrashuvlarda jami 21 marotaba maydonga tushib, o‘z hisobiga uchta gol va oltita assist ramiylashtirib qo‘ydi.
Ayni paytda transfermarkt.world portali o‘zbek legionerini 6 million yevroga baholamoqda. Ushbu portal transfer summasi ma’lumotlarini yana yangilasa, Abbosbek Fayzullayevning narxi ko‘tarilishi kutilyapti. Legionerimiz hozirning o‘zida Markaziy Osiyoning eng qimmatbaho o‘yinchisi hisoblanadi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
BAAda isroillik ravvin o‘ldirib ketildi
Ukraina Kursk oblastida egallab olgan hududlarining 40 foizdan ortig‘ini yo‘qotdi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Rossiya yuzlab yamanliklarni Ukrainaga qarshi urushga yolladi
Xitoy Yaponiya va sakkizta davlat fuqarolariga vizasiz rejimni joriy etadi
Abdusalom Azizovning DXX raisligidan haydalgani tasdiqlandi
O‘zbekistonda kelasi hafta boshida qanday ob-havo bo‘lishi ma’lum qilindi
Olimlar psixoz tashxisini qo‘yishga yordam beradigan yangi biomarkerni aniqladi
