2025 yilgi qishki transfer bozori ochilishi arafasida “Lans” oʻzbekistonlik markaziy himoyachisi Abduqodir Husanov boʻyicha dastlabki taklifni oldi.
Ma'lumki, hamyurtimizni Frantsiya, Angliya, Ispaniya, Germaniya, Italiya va Turkiyadan oʻndan ziyod klub oʻz safida koʻrmoqchi. Ularning ayrimlari bu transferni yanvarda hal qilishga bel bogʻlagan.
Birinchi boʻlib, “Lans”ga aniq taklif bilan Angliya Premer-ligasiga chiqish uchun kurashayotgan “Lids Yunayted” murojaat qildi. Bu haqda bir necha manbalar, xususan, les-transferts.com sayti xabar tarqatdi.
- Abduqodir Husanov mavsumni “Lans”da yakunlashiga hech qanday kafolat yoʻq. Chunki “Lans”dagi oʻyinlarida jiddiy, mahoratli, oʻz pozitsiyada kuchli va hujum boshlashga usta ekanini namoyish qilib kelayotgan oʻzbek futbolchisiga qit'aning nomdor klublari da'vogarlik qilmoqda.
“Tottenxem” va “Nyukasl” kabi badavlat klublar 20 yoshli legioner uchun 30 million evro atrofida xarajat qilishga tayyorligi uning Angliyada ham mashhur ekanidan dalolat beradi. Bu ikki klubni ortda qoldirib, “Lids” Husanovni olish harakatlarini boshlab yubordi.
“Lids Yunayted” rahbariyati “Lans”ga markaziy himoyachi transferi uchun 20 million evro taklif qildi, - deb yozmoqda les-transferts.com sayti Armelya Uabi.
Bu ma'lumotni Top Mercato hamda Maxifoot kabi boshqa manbalar ham tasdiqladi.
- Joriy mavsum kashfiyotiga aylangan Abduqodir Husanov Evropada, ayniqsa, Angliyada e'tibor qozonib bormoqda. “Lids” oʻzbekistonlik iqtidor egasini olish uchun “Lans”ga 20 million evrolik taklif yuborgani bir necha manbada qayd etildi.
Lekin bu summa oʻz himoyachisini 30 million evroga baholayotgan “Lans” uchun kamlik qiladi. Chunki yosh, yuqori salohiyatli oʻyinchi “Tottenxem”, “Nyukasl”, “Atletiko Madrid”, “Pari Sen-Jermen” kabi badavlat va katta klublar transfer nishonida turibdi. Husanovning oʻzi ham Angliya Chempionshipidagi jamoadan koʻra, oʻz oldiga katta maqsadlarni qoʻygan va sovrinlar uchun kurashadigan klubni afzal bilishi aniq.
Boshqa tomondan oʻyinchining iqtidorini bilgan “Lans” oʻzi kutgan summa taklif etilmagunicha Abduqodirni sotib yuborishga shoshilmaydi, chunki da'vogarlar orasida soʻralayotgan narxni toʻlay oladidan klublar bor. Qolaversa, Husanovning shartnomasida oʻyinchi 2027 yilning yozigacha klub bilan hamkorlik qilishi belgilangan, - deb yozmoqda foot-sur7.fr sayti jurnalisti Leons Siriak.
Abuqodir Husanov joriy mavsumda 16 ta uchrashuvda ishtirok etib, himoyadagi vazifalarini uddalashdan tashqari, bitta assist ham qayd etdi. 20 yoshli futbolchi Transfermarkt portali ekspertlari tomonidan 12 million evroga baholanmoqda. Bu koʻrsatkich boʻyicha Husanov Oʻzbekiston va butun Markaziy Osiyoning eng qimmatbaho oʻyinchisi hisoblanadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Netanyaxuning rafiqasi guvohlarni ta'qib qilishda ayblanmoqda
Yaman husiylari Tel Aviv aeroportiga hujum uyushtirdi
Abbosbek Fayzullaev: “Jirona”ni tanlayman...
Seul: Shimoliy Koreya Rossiyaga yana qoʻshin joʻnatishga tayyorlanmoqda
100 nafar falastinlik vaqtincha Oʻzbekistonga evakuatsiya qilindi
Messining oʻyinidagi qaysi jihat Yamalni hayron qoldirgan?
Husiylar hujumi Misrga 7 mlrd dollar zarar keltirdi
Muhammad Salohning qaysi harakati uchun misrliklarning tanqidlari "yomgʻiri yogʻildi"...?
