Ispaniya Superkubogi. "Barselona" "Real" darvozasiga 5ta gol urib kubokni qoʻlga kiritdi

Futbol bo‘yicha Saudiya Arabistoni Jidda shahrida Ispaniya Superkubogi finali 12 yanvar, yakshanba kuni bo‘lib o‘tdi. Unda “Barselona” va “Real” o‘zaro to‘qnash keldi.

5-daqiqada Mbappe hisobni ochdi. Ushbu golga “Barsa” Yamal, Levandovski, Rafinya va Baldening gollari bilan javob berdi. Uchrashuvning 60-daqiqasida Rodrigo tomonidan kiritilgan gol uchrashuv 2:5 hisobida Kataloniya klubi foydasiga yakunlanishini ta’minladi. Azaliy raqibini mag‘lub etgan jamoa Flik qo‘l ostida ilk sovrinini qo‘lga kiritdi.

56-daqiqada Shesni birga-bir vaziyatda Mbappeni to‘xtatib qolgani uchun maydondan chetlatilganini alohida ta’kidlash zarur.

Shu tariqa “Barselona” 15-bor Ispaniya superkubogi sohibiga aylanib, eng yaqin ta’qibchisi “Real” (13) bilan farqni 2 taga oshirdi.

Real Madrid – Barselona 2:5
13 yanvar, 00:00 | "King Abdullah Sports City"

Gollar: 1:0 – 5 Mbappe, 1:1 - 22 Yamal, 1:2 - 36-pen Levandovski, 1:3 - 39 Rafinya, 1:4 - 45+10 - Balde, 1:5 – 48 Rafinya, 2:5 – 60 Rodrigo.
Real Madrid – Kurtua, Mendi (Fran Garsiya, 75), Ryudiger, Tchuameni (Modrich, 64), Vaskes (Asensio, 52), Kamavinga (Sebalos, 46), Valverde, Bellingem, Vinisius Junior (Braim Dias, 76), Rodrigo, Mbappe.
Barselona – Shchensni, Balde, Martines (Arauxo, 28), Kubarsi, Kunde, Pedri, Kasado, Gavi (Penya, 59), Rafinya (Ferran Torres, 79), Levandovski, Yamal (Olmo, 59).

Ogohlantirish: Kamavinga (35), Martines (45+8), Ryudiger (53), Vinisius Junior (55), Tchuameni (62), Asensio (77), Levandovski (77), Arauxo (87), Rafinya (89).
Chetlatish: Shchensni (56). “Zamin”ni Telegramʻda oʻqing!