Braziliyalik futbol yulduzi Neymar 2017 yili “Barselona”dan PSJga oʻtayotgan payt Lionel Messi unga nima deganini oshkor qildi.
"Messi mening oldimga kelib, “Sen nega ketyapsan? Sen dunyoda eng zoʻr futbolchi boʻlmoqchimisan? Men seni eng zoʻr oʻyinchiga aylantira olaman”, degan edi", - deb esladi Neymar.
Neymar Kataloniya superklubi safida 2013-2017 yillar davomida toʻp tergan. “Barselona” futbolchisi sifatida 186 ta uchrashuvda qatnashib, 105 ta gol va 76 ta assist qayd etgan.
Parij klubi braziliyalik yulduzni oʻz safiga qoʻshib olish uchun kataloniyaliklarga 222 million yevro toʻlagan va bu summa hozir ham rekord hisoblanadi.
Keyinchalik Lionel Messi “Barselona”dan ketib, ikki mavsum davomida Neymar bilan birga “Pari Sen-Jermen” sharafini himoya qildi. 2023 yilning yozida argentinalik yulduz AQShga, braziliyalik hujumchi Saudiya Arabistoniga yoʻl oldi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
