Karlo Anchelotti: "Muxlislarning menga hushtakbozlik qilishlari juda adolatli"

"Real Madrid" bosh murabbiyi Karlo Anchelotti "Las-Palmas"ga qarshi bahsdan avval matbuot anjumanida ishtirok etdi. Mutaxassis hozirda klubning holati va bir nechta futbolchilar haqida gapirib oʻtdi.

"Klubdagi barcha bilan juda yaxshi munosabatdaman. Men har doim qoʻllab-quvvatlanayotganimni his qilaman va bu oxirgi kungacha shunday boʻladi. Biz albatta birgalikda ishlashda davom etamiz.

Agar siz hamma narsani bilaman deb oʻylasangiz, oʻz darajangizni pasaytira boshlaysiz. Shu sababli, men hali hamon ancha yaxshilanishim kerak. "Barselona" bilan oʻyindagi xatolar bu mening elkamda, barcha ma'suliyatni oʻz boʻynimga olaman.

Bundan tashqari, muxlislarning menga boʻlgan hushtakbozlik qilishlari ham juda maqbul va adolatli, deb hisoblayman. Bizning muxlislar hech qachon qilgan ishimizni unutishmaydi. Bu jamoa tirik va oxirigacha kurashadi”, - dedi italiyalik bosh murabbiy.

Eslatib oʻtamiz, "qirollik klubi" bugun "Las-Palmas"ga qarshi bahs olib boradi. Mazkur toʻqnashuv 20:15 da start olishi rejalashtirilgan. “Zamin” yangiliklarini “Telegram”da kuzatib boring