Xosep Gvardiola: Husanov turli хil pozitsiyalarda oʻynay oladi

"Manchester Siti" - "Chelsi" uchrashuvi olidan tashkil qilingan matbuot anjumanining ikkinchi qismi boʻlib oʻtdi va unda ham Xosep Gvardiolaga Abduqodir Husanov haqida savollar berildi.

- Husanovdan qanchadan beri bilasiz?
- Mavsum boshidan beri. Biz Txiki va barcha bilan uchrashuvlar oʻtkazganimizda, ular har bir pozitsiyadagi potentsial oʻyinchilarni aytishdi va ular Abduqodir haqida gapira boshlashdi. Keyin esa... Jon (Stounz), Natan (Ake), albatta Manu (Akanji) va Ruben (Diash) bilan boʻlgan vaziyatlar sababli transferlar qilishimizga toʻgʻri keldi. Uning bizda yoʻq, boʻlmagan oʻziga xos fazilatlarini koʻra oldik U bizga yordam berishiga ishonchim komil.

"Va, albatta, Husanov juda yosh, u oʻrganishi kerak. Shuningdek, Vitor (Reys) ham, Omar (Marmush) ham, ularga vaqt kerak. Jamoaga koʻnikib olish jarayoni yozda, mavsum oldidan boʻlgani yaxshi. Ammo hozir har hafta 3 ta oʻyin oʻynayotganimizda, zaxiramizda potentsiali yuqori futbolchilar boʻlishi juda muhimdir.

- Husanov har xil pozitsiyada oʻynay oladi. Uni tarkibning qaysi qismida koʻryapsiz?
- Ha, u menimcha, markazda ham, oʻng qanotda ham oʻynay oladi. Uchtalik himoyaning ham turli xil pozitsiyasida harakat qila oladi.

- Husanov juda ham tezkor futbolchi. Menimcha, u Kayl Uokerdek tez. Balki senga mana shunday energiya kerakdir, ayniqsa yarim himoyang uchun?
- (Gvardiola kuladi) Menimcha, faqatgina Husanovning tezligi bizga yordam bera olmaydi. Albatta uning tezligi muhim ahamiyatga ega, lekin biz PSJga qarshi oʻyinda ulardan koʻproq yugurdik. Muammo toʻp bilan harakatimizda... “Zamin” yangiliklarini “Telegram”da kuzatib boring