“Manchester Siti” Abduqodir Husanov maydonga tushgan oʻyinda “Chelsi” ustidan gʻalaba qozondi

Futbol boʻyicha Angliya chempionatining 23-turidan oʻrin olgan markaziy uchrashuv, 25 yanvar, shanba kuni boʻlib oʻtdi. Unda “Manchester Siti” oʻz maydonida “Chelsi” jamoasi bilan kuch sinashdi.

Uchrashuvda oʻzbekistonlik Abduqodir Husanov asosiy tarkibda maydonga tushdi.

Oʻyinning 2-daqiqasida Abduqodir Husanov darvozabonga toʻpni uzatishda xatoga yoʻl qoʻydi. Toʻp “Chelsi” futbolchilariga tushdi va jamoa hisobni ochdi. Gol muallifi — Madueke. 4-daqiqada Husanov londonliklar hujumini qoʻpollik bilan toʻxtatib qoldi va sariq kartochka oldi.

Oʻyin tizginini oʻz qoʻliga olgan “shaharliklar” hujumlar sonini koʻpaytirdi. Birinchi boʻlim yakunida Gvardiol hisobni tenglashtirdi. Birinchi boʻlim shu hisobda yakunlandi.

Ikkinchi boʻlim teng kurashlarda boshlandi. Uchrashuvning 53-daqiqasida Gvardiola Abduqodir Husanovni almashtirishga qaror qildi. Uning oʻrniga Stounz maydonga tushdi. 68-daqiqada Holand hisobni 2:1 ga etkazdi. “Chelsi” darvozaboni toʻpga chiqishda xatoga yoʻl qoʻydi.

Uchrashuvning 87-daqiqasida “airstokratlar”ning himoyachilaridan qocha olgan Holand Fodenni yaxshi vaziyatga chiqara oldi va Fil hisobni 3:1 ga etkazdi.

APL, 23-tur
25.01.2025, 22:30
"Etixad stedium", Manchester

"Manchester Siti" - "Chelsi" 3:1
Gollar: Y.Gvardiol (M.Nunes) 42, E.Xoland (Ederson) 68, F.Foden (E.Xoland) 87 - N.Maduyeke (N.Jekson) 3

"Manchester Siti": 31.Ederson Morayes, 24.Yoshko Gvardiol, 25.Manuel Akanji, 27.Mateus Nunes, 45.Abduqodir Husanov (5.Jon Stounz, 53), 7.Omar Marmush (17.Kevin De Bryuyne, 74), 8.Mateo Kovachich, 19.Ilkay Gyundogan, 20.Bernardu Silva, 47.Fil Foden, 9.Erling Xoland.
Zaxira: 18.Shtefan Ortega, 10.Jek Grilish, 22.Vitor Reys, 26.Savino, 75.Niko Orayli, 82.Riko Lyuis, 87.Jeyms Makati.

"Chelsi": 1.Robert Sanches, 3.Mark Kukurelya, 6.Levi Koluill, 23.Trevor Chaloba, 24.Ris Jeyms (27.Malo Gusto, 73), 8.Entso Fernandes, 11.Noni Maduyeke, 19.Jeydon Sancho (7.Pedru Netu, 73), 20.Koul Palmer, 25.Moyzes Kaysedo, 15.Nikolas Jekson (18.Kristofer Nkunku, 61).
Zaxira: 12.Filip Yorgensen, 2.Aksel Disasi, 4.Tosin Adarabioyo, 22.Kirnan Dyusberi-Xoll, 34.Josh Acheampong, 38.Mark Guiu.

Ogohlantirishlar: A.Husanov 4, B.Silva 79, M.Kovachich 83 - L.Koluill 25, M.Kaysedo 58 “Zamin” yangiliklarini “Telegram”da kuzatib boring