Pep Gvardiola Abduqodir Husanovning almashtirilish sababini ochiqladi

APL 23-turidan o‘rin olgan «Manchester Siti» – «Chelsi» uchrashuvi bo‘lib o‘tdi. Ushbu bellashuvda «shaharliklar» 3:1 hisobida g‘alaba qozondi.

Manchester jamoasi safida Gvardiol, Xoland va Foden gol urgan bo‘lsa, «aristokratlar»ning yagona goli Madueke tomonidan kiritildi. Qayd etish kerakki, legionerimiz Abduqodir Husanov ushbu uchrashuvda 53 daqiqa davomida harakat qildi.

O‘yin yakunidan so‘ng o‘tkazilgan matbuot anjumanida «shaharliklar» ustozi Pep Gvardiola Husanovning nima sababdan almashtirilganiga izoh berdi:

- "Men Husanovni xatolari uchun emas, sariq kartochkasi borligi uchun almashtirdim. Shuningdek, Jon Stounz biroz maydonga tushishi muhim edi, chunki u yaqinda jarohatdan qaytdi va o‘yinga moslashishi kerak.

Husanov ingliz tilini bilmaydi. Shu sababdan, men u bilan muloqot qila olmayapman. Yaxshi, unda men rus yoki o‘zbek tilini o‘rganaman". “Zamin” yangiliklarini “Telegram”da kuzatib boring