"Manchester Siti" xavbeki Rodri oʻng oyoq tizzasi xochsimon boʻgʻimi uzilishidan tiklanish jarayoni qanday ketayotgani haqida gapirdi.
"Oʻzimni juda yaxshi his qilyapman. Ruhiy tomondan ham hech qanday zoʻriqish yoʻq. Tizzamda ogʻriq yoki boshqa bir muammoni sezmayapman. Hozir asosiysi muskullar toʻliq tiklanib, kuchga kirishi. Siz oʻylayotgan narsalaringizdan tashqari, tanangiz his qilayotgan narsalar ham bor. Ular yana bir butun boʻlishi zarur. Umuman olganda oʻzimni yaxshi his qilyapman.
Bunday vaqtlarda pozitiv ruhiyatni saqlab qolishga urinaman va odatiy xayot tarzimni davom ettirishga urinaman. Oilam bilan koʻproq birga boʻlyapman va tezroq safga qaytish uchun mashq qilyapman. Oʻylashimcha, mavsumning hal qiluvchi pallasigacha maydonga qayta olaman", - dedi Rodri.
Manba: mancity.com
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
