Nursulton Roʻziboyev raqibini nokautga uchratdi (video)

AQShning Sietl shahrida bugun, 23 fevral tongida boʻlib oʻtayotgan UFC Fight Night musobaqasida Prelim kardning ikkinchi jangida oʻzbekistonlik aralash yakka kurash ustasi Nursulton Roʻziboyev oktagonga koʻtarildi.

^{Foto: Getty Images}
Unga amerikalik UFC debyutanti Erik Makkoniko raqiblik qildi. 3 raundga moʻljallangan jang ikkinchi raundda muddatidan avval yakuniga etdi. Oʻzbekistonlik sportchi raqibiga ketma-ket zarbalar yoʻlladi. Vaziyatga hakam aralashib, jangni toʻxtatishga majbur boʻldi.

Ma'lumot uchun, Nursulton Roʻziboyev shu vaqtga qadar UFC'da 3 ta jangdan 2 tasida gʻalaba qozonib, 1 ta jangda esa imkoniyatni boy bergan edi. Ushbu gʻalabadan soʻng, uning gʻalabalari soni 3 taga etdi. “Zamin”ni Telegramʻda oʻqing!