Braziliyalik yulduz futbolchi Neymar “Santos” tarkibida “Inter Limeyra”ga qarshi oʻyinda yana bir bor oʻz mahoratini namoyon qildi. Unga qarshi yomon munosabatda boʻlgan muxlislarga esa maydondagi harakatlari bilan javob qaytardi. U 27-daqiqada burchak zarbasidan raqib darvozasini ishgʻol qildi.
Oyna ruhiyatiga ega boʻlgan Neymar raqib jamoa muxlislarining qichqirishlariga befarq qolmadi va ularni yanada balandroq norozilik bildirishga chaqirdi. Qolaversa, burchak zarbasini amalga oshirishdan oldin, ularga ishora qilib, “hozir sizlarga javob beraman” degandek koʻrsatdi. Natijada u burchak zarbasidan ajoyib uzatmani amalga oshirib, jamoadoshiga aniq golli pas uzatdi va keyin yana bir marta assist orqali jamoasining yirik gʻalabasiga hissa qoʻshdi.
Shu tariqa, nafaqat futboldagi, balki hayotdagi tanqidlarga ham maydondagi professional oʻyin orqali javob berish mumkinligini yana bir bor isbotladi.
Qizigʻi shundaki, Neymar “Santos”ga qaytganidan buyon jamoasi uchun 432 daqiqa maydonda harakat qildi, bu esa uning Saudiya Arabistonidagi ikki yillik faoliyati davomida oʻtkazgan 428 daqiqasidan koʻproqdir.
Braziliyalik yulduzning bunday qaytishini muxlislar katta xursandlik bilan qarshi olmoqda, uning shon-sharafli karerasi esa yangi bosqichga koʻtarilayotganini koʻrsatmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
