Joriy yilning 15 iyun – 13 iyul kunlari AQSHda bo‘lib o‘tadigan Klublar o‘rtasidagi Jahon chempionati (FIFA Club World Cup) sovrin jamg‘armasi e’lon qilindi. Turnirda jami 929 million yevro ishtirokchi jamoalar o‘rtasida taqsimlanishi ma’lum bo‘ldi.
Turnirning mukofot fondi qanday taqsimlanadi?
Klublar uchun ajratilgan mukofot jamg‘armasi ikki qismdan iborat:
- 500 million yevro – musobaqada ishtirok etish uchun taqdim etiladigan mablag‘.
- 429 million yevro – klublarning musobaqadagi natijalariga qarab taqsimlanadi.
G‘oliblik sari mukofotlar
Jamoalar turnir davomida erishgan natijalariga ko‘ra quyidagi mukofotlarni qo‘lga kiritishlari mumkin:
✅ Guruh bosqichida har uchta g‘alaba uchun – 6 million yevro;
✅ 1/8 finalga chiqish – 7 million yevro;
✅ Chorak finalga chiqish – 12 million yevro;
✅ Yarim finalga chiqish – 20 million yevro;
✅ Finalga chiqish – 28 million yevro;
✅ Finalda g‘alaba qozonish – 37 million yevro.
Katta raqobat va rekord darajadagi mukofotlar
Bunday yirik mukofot fondi Klublar o‘rtasidagi Jahon chempionatini yanada qiziqarli qiladi. Har bir ishtirokchi jamoa nafaqat jahon chempionligini qo‘lga kiritish, balki yirik moliyaviy mukofotga ega chiqish uchun kurash olib boradi.
Bu yilgi musobaqa yangi formatda, 32 ta jamoa ishtirokida o‘tkaziladi. Angliya, Ispaniya, Italiya, Germaniya, Braziliya va boshqa yirik chempionatlarning eng kuchli jamoalari unda ishtirok etadi.
15 iyunda start oladigan ushbu nufuzli turnir dunyo futbolidagi eng kutilgan voqealardan biriga aylanishi kutilmoqda! “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
