Abduqodir Husanovning "Manchester Siti"dagi muvaffaqiyatlari haqida - Abbosbek Fayzullayev

Qishki transferlar vaqtida “Lans” jamoasidan “Manchester Siti”ga ko‘chib o‘tgan Abduqodir Husanovning o‘yini futbol muhlislarining diqqatini o‘ziga jalb qilmoqda. 21 yoshli o‘zbek himoyachisi Angliya futboliga juda tez moslashdi va jamoadagi o‘rni mustahkamlandi. Abduqodir muntazam boshlang‘ich tarkibda maydonga tushmoqda va har bir uchrashuvni yuqori saviyada o‘tkazib, e’tirof etilmoqda.

Husanovning faol va ishonchli o‘yini “Manchester Siti”ning himoya chizig‘idagi muammolarni yopishga yordam bermoqda. Jamoa “Nottingem Forest”ga qarshi o‘yinda, 28-tur doirasida qimmatli uch ochkodan ayrilgan bo‘lsa-da, Abduqodirning himoyadagi ta’siri sezilgan. 83-daqiqada, Abduqodir Husanov qo‘riqlagan hududdan o‘tolmagan Kallum Xadson-Odoi, Yoshko Gvardiolni orqada qoldirib, Ederson darvozasini ishg‘ol qildi.

Shunga qaramay, “Manchester Siti” bosh murabbiyi Xosep Gvardiola jamoasining mag‘lubiyatiga qaramay, Abduqodir Husanov va Ruben Diashning yaxshi o‘yinlarini e’tirof etdi: "Ikki markaziy himoyachimiz juda zo‘r o‘ynadir! Bizda boshqa markaziy himoyachilar qolmagan. Lekin Abduqodir Husanov va Ruben Diash maydondaligida biz juda sifatli o‘ynayapmiz."

Abduqodir Husanov “Manchester Siti”ga kelganidan keyin Premer-liga, mamlakat kubogi va Yevropa Chempionlar ligasida yettita uchrashuvda ishtirok etib, himoyadagi vazifalarini bajarish bilan birga, bir gol ham urgan.

O‘zbekiston milliy terma jamoasi himoyachisi Abbosbek Fayzullayev, Abduqodirning “Manchester Siti”dagi har bir uchrashuvini tomosha qilib, uning ishlari yaxshi ekanini aytib o‘tdi: "Husanov bilan yaqin do‘stmiz. Terma jamoa yig‘inlarida ham bir xonada turamiz. Tez-tez xabarlashamiz. Uning ishlari joyida ekanini aytishim mumkin. Har holda, dunyoning eng qiyin chempionatlaridan birida, ustiga-ustak “Manchester Siti”dek klubda o‘zini ko‘rsatish oson emas."

Abduqodir Husanovning “Manchester Siti”ga o‘tgani haqiqatan ham katta voqea bo‘lib, u o‘zining birinchi Angliya Premer-ligasidagi o‘zbek futbolchisiga aylandi. Manchesterliklar “Lans”ga 40 million yevro badal puli to‘lagan va yana 10 million yevro miqdorida bonus belgilagan. Uning klub bilan shartnomasi 2029 yilgacha va u qaytadan shartnomani bir yilga uzaytirish imkoniyatiga ega.

Abduqodir Husanovning “Manchester Siti”dagi muvaffaqiyatlari o‘zbek futbolining yangi bosqichini belgilashga yordam bermoqda. Uning kelajagi haqida ko‘p fikrlar bildirilmoqda va Abduqodirning yana qanday yuksak natijalarga erishishi ko‘pchilikni qiziqtirmoqda. “Zamin” yangiliklarini “Telegram”da kuzatib boring