Bugun O‘zbekiston Milliy terma jamoasi 2026 yilgi Jahon chempionati saralash bosqichi doirasida Eronga qarshi maydonga tushadi. Bu o‘yin ikki jamoa uchun ham juda muhim hisoblanadi, chunki saralash bosqichidagi har bir uchrashuv jahon chempionati yo‘llanmasi uchun hal qiluvchi ahamiyatga ega.
Mutaxassislarning taxminiy natijalari
Bir necha nufuzli sport nashrlari mazkur bahsdagi ehtimoliy natijalarni e’lon qildi:
🔹 "Sports Mole" nashri Eronni bu uchrashuvda favorit deb hisoblab, 2:1 hisobida g‘alaba qozonishini taxmin qilmoqda.
🔹 "Sportskeeda" nashri esa nisbatan minimal ustunlikni tanlab, Eronning 1:0 hisobida zafar qozonishini taxmin qildi.
O‘zbekiston terma jamoasidan sensatsiya kutiladimi?
Futbol ishqibozlari va ekspertlar ham Eronning uy maydonda kuchliroq ekanini tan olishadi. Shu bilan birga, O‘zbekiston terma jamoasi so‘nggi yillarda o‘z o‘yinini ancha takomillashtirdi va raqobatbardosh jamoaga aylandi. Shu sababli, ulardan kuchli himoya va qarshi hujumlarda samarali o‘yin kutish mumkin.
Biroq, tarixiy nuqtayi nazardan qaralganda, O‘zbekiston terma jamoasi Eronga qarshi o‘yinlarda doim ham muvaffaqiyatli natija ko‘rsatmagan. Agar jamoa bugungi o‘yinda intizomli harakat qilib, xatolarga yo‘l qo‘ymasa, syurpriz qayd etilishi ham mumkin.
Bugungi uchrashuvda O‘zbekiston uchun juda katta sinov kutib turibdi. Tahlilchilar mezbonlarning ustunligini tan olsa-da, futbolda har qanday natija yuzaga kelishi mumkin. O‘zbekiston jahon chempionati yo‘lida o‘z kuchini namoyish etib, muxlislarni xursand qila oladimi? Bu savolning javobini esa kechqurun stadionda va ekranlar qarshisida tomosha qilamiz. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
