O'zbekiston U-17 bosh murabbiyi Xitoy bilan bahs oldidan fikr bildirdi

O‘zbekiston U-17 terma jamoasi bosh murabbiyi Islom Ismoilov Xitoyga qarshi bo‘ladigan o‘yin oldidan o‘z fikrlarini bildirdi.

"Vaqtimiz kam bo‘lgani sababli, kechagi uchrashuvni tezkorlik bilan tahlil qildik va bugundan Xitoyga qarshi bahs uchun tayyorgarlikni boshladik. Xitoy yoshlar futboli Osiyoda o‘z o‘rniga ega, shuning uchun oson o‘yin bo‘lmasligi aniq. Tailand bilan uchrashuvdagi xatolardan kelib chiqib, yigitlarga kerakli ko‘rsatmalarni berdik va taktik ishlanmalarni amalga oshirishga kirishdik.

2024 yil avgust oyida Xitoyda bo‘lib o‘tgan xalqaro turnirda mezbonlarga qarshi o‘ynaganmiz. Shu bois, ushbu jamoaga qarshi qanday o‘yin ko‘rsatish bo‘yicha ma’lumotlarimiz bor. Bundan tashqari, raqibning Osiyo kubogi saralash bosqichidagi har bir uchrashuvi va o‘tkazgan o‘rtoqlik o‘yinlarini tahlil qilib, o‘zimiz uchun kerakli xulosalarga keldik. Xudo xohlasa, guruhimizdagi ikkinchi bahsda ham g‘alaba qozonib, o‘zbek futboli muxlislarini xursand qilish uchun harakat qilamiz", — dedi Islom Ismoilov.

O‘yin 6 aprel kuni Toshkent vaqti bilan soat 20:00 da Toif shahridagi "Okaz" stadionida start oladi. “Zamin” yangiliklarini “Telegram”da kuzatib boring