date 20:53 / 05.04.2025
views 2 559

Bahodir Jalolov Ostonada katta jangga chiqadi!

Bahodir Jalolov Ostonada katta jangga chiqadi!
Bugun, 5 aprel kuni, O‘zbekistonning faxri, professional boksda mag‘lubiyatsiz bokschi Bahodir Jalolov navbatdagi muhim jangiga chiqadi. Ushbu jang Qozog‘istonning Ostona shahridagi "Baris Arena"da tashkil etilgan "Battle of the Brave" turkumi doirasida bo‘lib o‘tadi.

Bahodir Jalolov (14-0) bu gal ukrainalik tajribali va kuchli raqib Igor Shevadzutskiy (12-2)ga qarshi ringga chiqadi. Bu jang uning karyerasidagi muhim bosqichlardan biri bo‘lishi kutilmoqda.

Jang vaqti — Toshkent vaqti bilan soat 22:00 da start oladi.

Bahodir Jalolov hozirgi kunda nafaqat O‘zbekistonda, balki butun dunyodagi boks muxlislari orasida ham katta obro‘ga ega. Uning har bir jangi yuqori darajadagi tayyorgarlik va mahoratni namoyon etadi. Shevadzutskiy esa tajribasi va kuchli zarbalari bilan tanilgan bokschi hisoblanadi, shuning uchun ushbu jang muxlislar uchun maroqli va dramatik tuyg‘ularga boy kechishi kutilmoqda.

Barcha yurtdoshlarimizni Bahodirni qo‘llab-quvvatlashga chaqirib qolamiz! Omad sen bilan, Sherimiz!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Sport