Atletiko “yulduzlar” bilan xayrlashmoqda! Simeone endi sabr qilmaydi!

Madridda yangi davr boshlanmoqda. “Atletiko” bosh murabbiyi Diyego Simeone jamoani qayta qurishga jiddiy kirishdi. U endi faqat katta ismlarga emas, natijaga ishonadi.

Uch yulduz – ketish ostonasida!

Tajribali argentinalik murabbiy o‘zini oqlamayotgan va maydonda jiddiy ta’sir ko‘rsata olmayotgan futbolchilar bilan xayrlashishga qaror qildi. Hozirgi ro‘yxatda uch nafar nom bor:

- Antuan Grizmann
- Xavi Galan
- Sesar Aspilikueta

Grizmann — endi emas?
Uzoq yillar “Atletiko”ning yuragi bo‘lgan Grizmann bu mavsumda xuddi “o‘chgan yulduz”ga aylandi. Uning jamoa o‘yiniga ta’siri past, muhim o‘yinlarda esa javobgarlikni o‘z zimmasiga ola olmayotgani murabbiyni ranjitmoqda. Endilikda fransiyalik hujumchi o‘z omadini MLSda sinab ko‘rishi mumkin.

Galan — imkoniyatni yo‘qotdi
Chap qanot himoyachisi Xavi Galan ham Simeone ishonchiga sazovor bo‘la olmadi. Himoyadagi xatolar, qattiq o‘yin uslubi va cheksiz sariq kartochkalar – bu pozitsiyada o‘zgarish zarurligini anglatadi. Statistikaga ko‘ra, Galan La Liganing 17 uchrashuvida 8 marta ogohlantirilgan.

Aspilikueta — faqat nom qoldi
Chelsidagi buyuk karyerasidan so‘ng “Atletiko”da katta vazifa yuklatilgan Aspilikueta endi Simeone talablariga javob bera olmayapti. Uning o‘rniga yosh va tezkor futbolchi olib kelish rejasi allaqachon muhokama qilinmoqda.

Simeonega nima kerak?
Faqat nom uchun emas, maydonda ishlaydigan, kurashadigan va natija keltiradigan futbolchilar. “Atletiko” muxlislari endi afsonalarga emas, g‘alabalarga ishonishni istashadi.

Yozgi transfer oynasida “Atletiko”dan katta o‘zgarishlar kutilmoqda. E’tiborda bo‘ling — bu faqat boshlanishi! “Zamin”ni Telegramʻda oʻqing!