Barselona va Inter o‘rtasida ilk bo‘limda 4 ta gol

Chempionlar Ligasi yarim finali doirasidagi “Barselona” – “Inter” o‘yini nihoyatda keskin boshlandi. Hisob allaqachon 1-daqiqada Markos Tyuram tomonidan ochildi. 21-daqiqada esa Denzel Dyumfris ikkinchi golni urib, mehmonlarni 0:2 oldinga olib chiqdi. Ammo "Barselona" bunday boshlanishga javobsiz qolmadi – 24-daqiqada Lamin Yamal, 38-daqiqada esa Ferran Torres hisobni tenglashtirishdi.

Statistik jihatdan "Barselona" ilk taymda ustunlik qildi: to‘pga egalik 72%, 340 pas va 91% aniqlik. "Barselona" 10 ta zarba yo‘llab, 4 tasini darvozaga aniq yo‘lladi. "Inter" esa 3 ta zarba va 2 ta aniq urinish bilan kifoyalandi. “Zamin”ni Telegramʻda oʻqing!