«Real Madrid» Rodrigoni sotishga tayyor: Angliyaning top-klublari uni o‘z safida ko‘rishni istamoqda

Madridning «Real» klubi braziliyalik hujumchisi Rodrigo bilan xayrlashishga tayyorligini bildirdi. Bu haqda «Relevo» nashri ma’lum qilmoqda.

Ma’lumotlarga ko‘ra, «qirollik klubi» rahbariyati Rodrigoni sotish orqali jamoa budjetiga sezilarli darajada mablag‘ jalb qilishni maqsad qilgan. Hujumchining minimal transfer bahosi ham belgilangan bo‘lib, klub uning transferidan kamida 100 million yevro ishlab olishni rejalashtirmoqda.

Rodrigo bilan kelishuvga erishish uchun ayniqsa, Angliyaning ikki yirik klubi — Londonning «Arsenal» va «Manchester Siti» jamoalari qiziqish bildirmoqda. Bu klublar yozgi transfer oynasida o‘z tarkibini kuchaytirish uchun braziliyalik yulduzni muhim nomzod sifatida ko‘rib chiqishyapti.

Joriy mavsumda 24 yoshli Rodrigo «Real» tarkibida umumiy hisobda 50 ta uchrashuv o‘tkazdi. U ushbu o‘yinlarda raqiblar darvozasiga 13 ta gol kiritdi va yana 10 ta golli uzatma amalga oshirib, jamoasining asosiy figuralaridan biriga aylandi.

E’tiborli jihati shundaki, Rodrigoni klub bilan bog‘laydigan shartnoma 2028 yilning yozigacha tuzilgan. Ammo futbolchining transferi bilan bog‘liq holatning qanday rivojlanishi ko‘p jihatdan transfer muzokaralari va klublar o‘rtasidagi kelishuvlarga bog‘liq bo‘ladi. “Zamin”ni Telegramʻda oʻqing!