“Manchester Siti” yangi mahoratli futbolchi izida: Maqsad — Gibbs-Uayt!

Angliyaning amaldagi grand klublaridan biri — “Manchester Siti” joriy mavsum yakunlanishi bilan tarkibda strategik o‘zgarishlar qilishga tayyorgarlik ko‘rmoqda. Xususan, klub mutasaddilari raqib jamoalarda porlab turgan iqtidorli o‘yinchilarga alohida e’tibor qaratishmoqda.

“Siti” skautlari diqqatini tortayotgan futbolchilardan biri — “Nottingem Forest” jamoasining markaziy yarim himoyachisi Morgan Gibbs-Uayt. Mazkur transfer borasida futbol insayderi Fabritsio Romano tarqatgan ma’lumotga ko‘ra, “shaharliklar” 25 yoshli angliyalik futbolchini yozgi transfer oynasida o‘z safiga qo‘shib olishni rejalashtirmoqda.

Gibbs-Uayt bu mavsumda “Nottingem Forest” safida 34 uchrashuvda maydonga tushib, 5 ta gol va 9 ta assist bilan jamoasining muhim figuralaridan biriga aylangan. Uni transfer qilish uchun talab qilinayotgan summa — taxminan 50 million yevro. “Manchester Siti” rahbariyati bu narxni maqbul, deb hisoblamoqda va muzokaralarga tayyor ekanligini bildiradi.

Futbolchining joriy shartnomasi 2027 yilning o‘rtasigacha amal qiladi. Bu holat “Nottingem Forest”ni muzokaralarda ko‘proq mablag‘ talab qilish imkoniyatiga ega qiladi. Ammo manchesterliklar sport direktori va murabbiylar shtabi Xosep Gvardiola uslubiga mos keladigan futbolchilarni aniq tanlagan va Gibbs-Uayt bunday rejaga to‘liq javob beradi.

Bu transfer amalga oshsa, “Siti” o‘z yarim himoya chizig‘ini yanada terens va universal futbolchi bilan boyitish imkoniga ega bo‘ladi. Morganning texnik mahorati, ijodkorligi va o‘yindagi kreativ yondashuvi — aynan “Siti” uslubiga mos kelishini mutaxassislar ta’kidlashmoqda.

Futbol muxlislari esa bu kelishuvni qiziqish bilan kuzatmoqda. Gibbs-Uayt “Etixad”da yorqin karyera boshlashi mumkinmi? Bu savolga javob yozda aniq bo‘ladi. “Zamin”ni Telegramʻda oʻqing!