Barcha davrlarning eng buyuk 10 futbolchisi e’lon qilindi

Xalqaro futbol tarixi va statistikasi federatsiyasi (IFFHS) tomonidan taqdim etilgan so‘nggi reytingda Lionel Messi barcha davrlarning eng ulkan futbolchisi sifatida e’tirof etildi. Argentina terma jamoasi va “Inter Mayami” klubi yulduzi bu unvonga o‘zining yuksak shaxsiy va jamoaviy natijalari orqali munosib deb topildi.

Pele va Maradona orqada qoldi

Ro‘yxatda ikkinchi o‘rinni Braziliyaning tirak afsonasi Pele egallagan bo‘lsa, kuchli uchlikni yana bir argentinalik so‘nmas yulduz — Diego Maradona yakunlagan. Krishtianu Ronaldu esa 4-o‘ringa loyiq topildi.

Top-10 futbolchi ro‘yxati:

1. Lionel Messi (Argentina)
2. Pele (Braziliya)
3. Diego Maradona (Argentina)
4. Krishtianu Ronaldu (Portugaliya)
5. Yoxan Kroyff (Niderlandiya)
6. Ronaldo (Braziliya)
7. Zinedin Zidan (Fransiya)
8. Frans Bekkenbauer (Germaniya)
9. Alfredo Di Stefano (Argentina/Ispaniya)
10. Ronaldino (Braziliya)

Messining rekordlari e’tibor markazida

Messi hozirgacha 8 marta “Oltin to‘p”ni qo‘lga kiritgan yagona futbolchi hisoblanadi. U 4 marta UYEFA Chempionlar Ligasida zafar quchgan va 2022 yilda Argentina terma jamoasi bilan Jahon chempionligini ham o‘z hisobiga yozdirib qo‘ygan.

Zamin.uz tahririyati futbol tarixi va uning afsonalariga oid so‘nggi yangiliklarni sizga yetkazishda davom etadi. Siz Messining ushbu unvonga loyiq deb hisoblaysizmi? “Zamin”ni Telegramʻda oʻqing!