So‘nggi yillarda Yevropaning eng xavfli hujumchilaridan biriga aylangan Erling Xoland "Manchester Siti" safidagi ta’sirchan o‘yini, samaradorligi va to‘purarlik salohiyati bilan futbol olamidagi eng ko‘zga ko‘ringan yulduzlardan biriga aylandi. Biroq har bir transfer oynasida u haqidagi mish-mishlar yana avj oladi — Ispaniya grandiga ketishi, klubni almashtirishi yoki boshqa chempionatni zabt etishi haqidagi gap-so‘zlar muntazam ravishda tarqaladi.
Bu gal ham aynan shunday bo‘ldi. Ammo vaziyatga Erlingning otasi — Alf-Inge Xoland rasman oydinlik kiritdi. U o‘g‘lining kelajagiga oid savollarga javob berdi.
— Erlingning kelajagi haqida gapiradigan bo‘lsak, u hozir "Manchester Siti" jamoasida o‘zini baxtli his qilmoqda. Hozirgi paytda u jamoa, muhit va murabbiydan juda mamnun. Biz uning hozirgi holatidan xursandmiz, — deya ta’kidladi Alf-Inge Xoland.
Eslatib o‘tamiz, norvegiyalik hujumchi “Siti” safida jami 144 uchrashuvda ishtirok etgan va 122 ta gol kiritishga erishgan. Shuningdek, jamoadoshlariga 20 ta assist uzatgan. Uning hujumdagi ta’siri nafaqat statistika, balki o‘yin uslubini ham sezilarli darajada kuchaytirgan.
Klub rahbariyati esa futbolchining “Siti”dagi istiqbolidan to‘la qoniqarli ekanini ko‘rsatgan holda, u bilan amaldagi shartnomani 2034 yil 30 iyunigacha uzaytirgan. Bu esa uning uzoq muddat davomida klubning strategik rejalarida markaziy figura sifatida qaralayotganini anglatadi.
Shunga qaramay, har bir transfer oynasida Xolandning "Real Madrid" yoki "Barselona" kabi jamoalarga yo‘l olishi mumkinligi haqida turli manbalarda xabarlar tarqalishda davom etmoqda. Bu esa uning yuqori darajadagi universalligi va talab yuqoriligini yana bir bor tasdiqlaydi.
Muxlislar uchun esa bir narsa aniq: Xoland kabi hujumchi qayerda o‘ynamasin, futbol hayotida doim markazda bo‘ladi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
