Xabi Alonso: maqsadimiz – g‘alaba qozonish va guruhni birinchi o‘rinda yakunlash

Klublar o‘rtasidagi Jahon chempionati so‘nggi turi oldidan “Real Madrid” bosh murabbiyi Xabi Alonso matbuot anjumanida ishtirok etib, jurnalistlarning ko‘plab qiziqarli savollariga javob qaytardi. Uning chiqishi klub muxlislari uchun foydali va kutilganday ochiq-oshkor bo‘ldi. Quyida Alonsoning fikrlari bilan to‘liq tanishing:

— Ertaga qaysi “Real Madrid”ni ko‘rishni istaysiz?
— Bizda ikki asosiy maqsad bor: g‘alaba qozonish va guruh bosqichini birinchi o‘rinda yakunlash. So‘nggi o‘yinda bir futbolchimiz kam bo‘lsa-da, munosib o‘yin namoyish etdik. Bu bosqichda raqiblar oson emas. Hozir hal qiluvchi pallada turibmiz.

— Rodrigo bilan bog‘liq muammo bormi?
— Yo‘q, unda muammo yo‘q. U yaxshi formani saqlagan, motivatsiyasi yuqori. Uni o‘yindan chetlatish faqat taktik qaror bo‘lgan. Rodrigo jamoamiz uchun juda muhim futbolchi, undan ushbu turnirda ham foydalanamiz. U alohida xususiyatlarga ega o‘yinchi.

— Laporta so‘zlari haqida nima deysiz?
— Men bu vaziyatga kirishmoqchi emasman. Har ikki jamoa o‘z kuchi va fikriga ega. Demokratiya bor. Biz Madridda ham, boshqa joyda ham o‘z yo‘limizda harakat qilaveramiz.

— Mbappe qay holatda?
— U mashg‘ulotlarga qo‘shildi va o‘zini yaxshi his qilmoqda. Ammo hozircha to‘liq tiklanmagan. Biz uni 1/8 finalgacha saqlab qolmoqchimiz. Hozirgi bosqich uchun tayyor emas.

— Mendi va Kamavinga haqida…
— Ferlan hali tiklanish uchun vaqtga muhtoj. Eduardo esa jismoniy tayyorgarlikda tez qaytayotgan futbolchi. Hali aniq qaror qabul qilinmagan. Lekin u jamoa uchun muhim futbolchi va yaqin vaqtda maydonda bo‘lishi kerak.

— Jamoaga transfer kerakmi?
— Mastantuono, Rodrigo va Brahim kabi futbolchilarga egamiz. Jamoamdan juda mamnunman. Oldinda juda ko‘p – taxminan 50–60 ta o‘yin turibdi. Barcha pozitsiyalar bo‘yicha raqobat zarur. Har bir futbolchiga ishonaman.

— Xausen haqida qanday fikrdasiz?
— U jamoamizning tayanch ustunlaridan biriga aylandi. U nafaqat maydonda, balki kundalik hayotda ham lider. Biz uchun muhim transfer bo‘ldi. U hali katta salohiyatga ega va biz u bilan faxrlanamiz.

— Guruhda birinchi o‘ringa chiqish qiyinroq yo‘l emasmi?
— G‘alaba qozonmaslikni o‘ylash — yomon fikr. Bu jamoa uchun xatarli signal bo‘ladi. Biz har doim g‘alaba uchun kurashamiz. Turnir jadvalini ko‘rdik, lekin bu o‘yinga ta’sir qilmasligi kerak. Biz har bir o‘yinga jiddiy yondashamiz.

— Valverde endi oldinroqda o‘ynaydimi?
— Menda bir necha taktik rejalar bor. Fede — universal futbolchi. U qanotda ham, markazda ham o‘ynay oladi. Uning faoliyati jamoaga moslashuvchanlik beradi.

— Madriddagi futbolchilik faoliyatingizdan qanday xotiralar qolgan?
— “Real Madrid” dunyodagi eng nufuzli klub. Bu jamoa a’zosi bo‘lish sharaf. Uning tarixi, madaniyati va maqsadlari – hammasi nihoyatda muhim. Biz afsonaviy yo‘lni davom ettirmoqdamiz.

— Bellingem operatsiyadan keyin qanday holatda?
— U hozirgi jamoamizning markaziy shaxslaridan biri. U hujumlarda faol, markazda ta’sirli harakat qilyapti. “Pachuka”ga qarshi o‘yinda uning salohiyatini yana bir bor ko‘rdik. Bellingem rivojlanishni istaydi va biz buni qo‘llab-quvvatlaymiz.

— Tomas (raqib jamoa murabbiyi) bilan tanishmisiz?
— Ha, bir necha marta to‘qnash kelganmiz. “Zalsburg” endi boshqa jamoa, ammo men Tomas bilan uchrashishni intiqlik bilan kutyapman.

— Vinisius himoyada ham rivojlanishi kerakmi?
— Albatta. Har bir o‘yinchi himoya qilishni bilishi zarur. Jamoa siqilgan holda harakat qilsa, masofalar saqlanadi va raqibga imkoniyat kam qoladi. Vini ham bu jarayonda ishtirok etadi.

— Asensioning o‘rnini kim to‘ldiradi?
— Bu haqda o‘yladim, lekin hozircha aniq aytolmayman (kuladi).

— Alaba qanday?
— Uning jarohati jiddiy va tiklanish uchun ko‘proq vaqt kerak. “Zalsburg” esa juda dinamik va hujumkor jamoa. Ularga qarshi to‘liq kuch bilan tayyorgarlik ko‘rganmiz. “Zamin”ni Telegramʻda oʻqing!