2026 yilgi ayollar Osiyo kubogi saralash bosqichi arafasida jamoalar bosh murabbiylari ishtirokida o‘tgan matbuot anjumani futbol muhitini yanada qizitdi. O‘zbekiston ayollar milliy terma jamoasi ustozi Kotrina Kulbite o‘z jamoasi holati va saralashdagi rejalari haqida ochiq-oydin fikr bildirdi.
Murabbiyning so‘zlariga ko‘ra, terma jamoada so‘nggi 6 oy ichida juda ijobiy muhit va yuqori kayfiyat shakllangan. Futbolchilarning ruhiy va jismoniy holati yuqori, ichki muhit esa tarkibda birdamlik va ishonchni ta’minlagan. “Tayyorgarlik jarayonida har bir o‘yinchi o‘z ustun tomonlarini namoyon qila boshladi. Jamoamizdagi ilk kunlardanoq musbat kayfiyat va o‘zaro hurmatga asoslangan muhit yaratishga harakat qildim. Bu maqsadga erishganimdan mamnunman”, — deydi Kulbite.
Osiyo kubogi saralash bosqichida “F” guruhida ishtirok etuvchi raqiblar — Nepal, Shri-Lanka va Laos jamoalari haqida ham to‘xtaldi. Murabbiy ta’kidlashicha, har bir raqibning o‘yini chuqur o‘rganilgan va ularning kuchli jihatlari tahlil qilingan. Ayniqsa, Nepal termasiga bir oy avval yangi murabbiy tayinlangani va tarkibda bir qator legionerlar borligi qayd etildi.
“Shri-Lanka hamda Laos jamoalariga qarshi bellashuvlar ham yengil o‘tmaydi. Har bir o‘yinda maksimal natija qayd etishga harakat qilamiz. Barcha qarorlar maydonda, o‘yin paytida qabul qilinadi. Biz esa o‘z uslubimizdan voz kechmaymiz va yuqori kayfiyatda harakat qilamiz”, — dedi bosh murabbiy.
Kulbite so‘zlarida jamoaning Osiyo kubogi yo‘llanmasini qo‘lga kiritish uchun barcha imkoniyatlari borligini alohida ta’kidladi. Aytish mumkinki, terma jamoa ayollar futbolining yangi bosqichiga qadam qo‘yayotganini ko‘rsatmoqda.
Saralashning qizg‘in pallasida esa barcha e’tibor — maydondagi asosiy to‘qnashuvlar va qiziqarli bahslarga qaratilgan. Muxlislar esa O‘zbekiston ayollar termasiga ishonch va umid bilan nazar tashlamoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
