Klublar o‘rtasidagi jahon chempionatida bugun kechasi muxlislar tomonidan kutilgan qiziqarli to‘qnashuvlardan biri – PSJ va “Inter Mayami” o‘rtasidagi uchrashuv bo‘lib o‘tadi. Ushbu bahs oldidan AQSH klubi bosh murabbiyi Xaver Maskerano o‘z fikrlarini bayon qildi.
Uning so‘zlariga ko‘ra, "Inter Mayami" bu uchrashuvda favorit emas, biroq jamoa bundan qo‘rqmayapti va o‘z imkoniyatlariga ishonib maydonga chiqadi:
– Biz autsaydermiz, bu haqiqat. Lekin bu biz taslim bo‘lamiz yoki o‘zimizni ilgarigidek ko‘rsatmaymiz, degani emas. Jamoam ushbu turnirda o‘z o‘rniga munosib ravishda ega bo‘ldi. Endi esa biz dunyoning eng kuchli jamoalaridan biriga qarshi to‘p surish imkoniyatiga egamiz. Bu — biz uchun katta sinov, lekin bizda ham kurashishga arziydigan tarkib bor, – dedi Maskerano.
Murabbiyning fikricha, jamoa pley-offga yuzma-yuz kurashlar, kuchli raqiblarga qarshi o‘yinlar orqali yetib keldi va bugun ham nihoyatda mas’uliyatli bahs kutib turibdi. Shunday ekan, “Inter Mayami” muxlislari o‘z jamoasidan kutilmagan syurprizlar kutishi mumkin.
– Bu futbol. Oldindan g‘olib aniqlanmaydi. Biz imkoniyatlardan to‘liq foydalanishga harakat qilamiz. Har bir past-baland vaziyatga tayyor turib, yuqori kayfiyat bilan maydonga chiqamiz, – deya qo‘shimcha qildi Maskerano.
Unga ko‘ra, PSJning yulduzlar to‘la tarkibiga qaramay, jamoa ruhan tayyor va raqibga bo‘lgan hurmat g‘alaba uchun bo‘lgan ishonchga xalaqit bermaydi.
Eslatib o‘tamiz, “Inter Mayami” – PSJ bahsi Toshkent vaqti bilan soat 21:00da start oladi. Ushbu o‘yin nafaqat muxlislar uchun, balki klub tarixida ham katta ahamiyatga ega bo‘lishi mumkin. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
