Toshkentda yangi tarixiy qaror qabul qilindi: 2028 yil Los-Anjeles shahrida bo‘lib o‘tadigan XXXIV yozgi Olimpiya va XVIII Paralimpiya o‘yinlariga O‘zbekiston sportchilarini kompleks tayyorlash bo‘yicha prezident farmoni e’lon qilindi, deb xabar berdi president.uz. Mazkur qaror yurtimiz sportchilari uchun yangi imkoniyatlar eshigini ochdi.
Hujjatda mamlakat sportchilariga Olimpiya va Paralimpiya o‘yinlarida munosib ishtirok etish uchun aniq maqsad va vazifalar belgilab qo‘yilgan. Jumladan, boks, dzyudo, taekvondo, erkin kurash va og‘ir atletika kabi ustuvor sport turlarida medallar sonini ko‘paytirish, triatlon, voleybol, stol tennisi, basketbol, zamonaviy besh kurash kabi 21 ta sport yo‘nalishi bo‘yicha xalqaro litsenziyalarni qo‘lga kiritish, shuningdek, xalqaro sport tashkilotlari bilan hamkorlikni rivojlantirish vazifa qilib belgilandi.
Qarorga ko‘ra, Olimpiya va Paralimpiya o‘yinlarida erishilgan natijalardan kelib chiqib, sport turlari ustuvor, istiqbolli va rivojlanayotgan toifalarga ajratiladi. Bu tartib sport sohasida raqobatbardoshlikni yanada oshirish va har bir sportchi uchun shaxsiy rivojlanish yo‘lini aniq belgilash imkonini beradi.
Muhimi, bu yo‘nalishlar ro‘yxati har 4 yilda, Olimpiya va Paralimpiya o‘yinlari o‘tgan yilning yakuniga qadar qayta ko‘rib chiqiladi va rasman tasdiqlanadi. Bu esa O‘zbekiston sportchilarining xalqaro maydonda doimiy rivojlanish va eng yuqori natijalarga erishishini ta’minlaydi.
Zamin.uz esa, Olimpiya yo‘lidagi qahramonlar, sportdagi yangiliklar va xalqaro musobaqalarga tayyorgarlik haqidagi eng so‘nggi yangiliklar bilan o‘quvchilarini tezkor va ishonchli ma’lumotlar bilan ta’minlashda davom etadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
