Londonning “Chelsi” klubi o‘zining yosh va iqtidorli hujumchisi Nikolas Jeksonni qo‘yib yuborish niyatida emas. Bu haqda Britaniyaning “Daily Mail” nashri xabar berdi.
Manba yozishicha, “Milan” klubi senegallik futbolchiga jiddiy qiziqish bildirgan. Biroq “aristokratlar” hujumchini 100 million funt sterlingdan kamiga sotish niyatida emas. Bu narx nafaqat “Milan”, balki boshqa istakdor klublarni ham o‘yga solgan.
Ta’kidlanishicha, “Chelsi” hozircha hech qanday muzokara olib borayotgani yo‘q. Jamoa hujum chizig‘iga yangi nomzod qidirishda davom etar ekan, mavjud futbolchilarni asrab qolishga ham harakat qilmoqda.
24 yoshli Jekson 2023 yilda “Vilyarreal” jamoasidan 32 million funt evaziga “Chelsi” safiga qo‘shilgandi. Ortidan katta umidlar bog‘langan futbolchi o‘tgan mavsum Angliya premer-ligasida 30 ta uchrashuvda maydonga tushib, 10 ta gol muallifi bo‘ldi. Bu natija katta raqobat fonida ancha yaxshi ko‘rsatkich sifatida baholanmoqda.
Shu bilan birga, Jeksonning texnik mahorati, to‘p bilan ishlash madaniyati va hujumdagi hushyorligi mutaxassislar tomonidan yuqori baholanmoqda. Uning yoshi, salohiyati va moslashuvchanligi e’tiborga olinsa, 100 million funt talab qilingani tasodif emas.
Hozircha “Milan” yoki boshqa klublar bu taklifni qabul qilishga tayyor emasligi ma’lum. Ammo transfer oynasi hali yopilmagan. Shunday ekan, Jekson atrofidagi vaziyat yana o‘zgarishi mumkin.
Futbol jamoatchiligi esa uning kelajagi “Chelsi”dami yoki boshqa klubdami, yaqin kunlarda aniq bo‘lishiga ishonmoqda. Klub rahbariyati uchun esa bu transfer ehtimoliy moliyaviy yutuq bilan birga, taktik qaror ham bo‘lishi mumkin. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
