Kecha Kuala-Lumpurda JCH–2026 musobaqasining Osiyodagi hal qiluvchi saralash bosqichi uchun qur’a tashlash marosimi bo‘lib o‘tdi. Ushbu muhim tadbirda O‘zbekiston milliy terma jamoasining bosh murabbiyi Timur Kapadze shaxsan ishtirok etdi, deb xabar berdi championat.asia.
Qur’a natijalari jamoatchilikning e’tiborida bo‘lib turgan bir paytda, biz terma jamoamizning bosh mutaxassisi — Timur Kapadzening shaxsiy taassurotlari bilan qiziqdik.
Kapadzega ko‘ra, qur’a ancha barqaror va nisbatan muvozanatlashgan holda o‘tdi. Uning ta’kidlashicha, har bir jamoada keyingi bosqichga yo‘llanma olish imkoniyati mavjud. Unda aniq ustunlikka ega favorit raqiblar ko‘rinmayapti.
"Menimcha, qur’a yomon emas. Har bir jamoada imkoniyat bor. Albatta, Qatar va Saudiya Arabistoni kabi mezbonlar uchun bu biroz afzallik beradi. Ular o‘z muxlislari qarshisida o‘ynaydi, bu ham motivatsiya, ham psixologik ustunlik", — deydi Kapadze.
Shu bilan birga, u Qatarning guruhiga BAA va O‘mon, Saudiya Arabistonining guruhiga esa Iroq va Indoneziya kabi juda ham shijoatli jamoalar tushganini qayd etdi.
Kapadze fikricha, bu bosqichda oldindan biror natija haqida gapirish mushkul. Har qanday jamoa o‘z so‘zini aytishi, kutilmagan yutuqlarga erishishi mumkin.
"Har narsa maydonda hal bo‘ladi. Qur’a natijalariga qarab xulosa chiqarishga shoshilmaslik kerak. Barcha jamoalar salohiyatli va ularga qarshi tayyorgarlik jiddiy bo‘lishi zarur", — deb qo‘shimcha qildi murabbiy. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
