“Real”da yangi ssenariy: Vinisiusning Saudiyaga yo‘li ochiladimi?

Madridning eng yosh yulduzlaridan biri bo‘lgan Vinisius Juniorning kelajagi atrofida jiddiy intrigalar paydo bo‘ldi: klub rahbariyati va futbolchi o‘rtasidagi kelishmovchiliklar, shartnoma muzokaralarining to‘xtashi va yangi transfer imijlari muxlislar diqqat markazida, deb yozadi sport.es.

Ma’lum qilinishicha, o‘tgan yozda “Real” safini Kilian Mbappe to‘ldirganidan so‘ng Vinisius o‘zini ikkinchi planga chiqarilgan futbolchi sifatida seza boshladi. Braziliyalik hujumchi uchun eng muhim talab — yangi shartnomada klubdagi eng yuqori maosh egasiga aylanish edi. Ammo bu ambitsiya klub prezidenti Florentino Peres uchun qabul qilib bo‘lmas “chekka chiziq”ga aylandi.

Bosh murabbiy Xabi Alonso klubga kelganidan keyin Vinisius bilan yangi shartnoma muzokaralari umuman to‘xtab qoldi. Jamoa ichida yangi liderlar va yangi strategiya shakllanar ekan, Juniorning o‘rni ham savol ostida qoldi. Xabarlarga ko‘ra, Alonso Vinisiusni o‘z sxemasida to‘liq ko‘rmayapti va uni jamoadagi “muammoli figura” sifatida qabul qilgan.

Endilikda “Real” rahbariyati yangi ssenariyni ko‘rib chiqmoqda: Vinisiusni katta mablag‘ evaziga Saudiya Arabistoni klublariga sotish va g‘aznaga rekord tushum olish. Saudiya chempionatining so‘nggi yillardagi transfer ambitsiyalari braziliyalik yulduz uchun yangi manzilga aylanishi mumkin.

Hozircha rasmiy qaror yoki taklif yo‘q, ammo “Real”dagi vaziyat keskinlashayotgani aniq. Muxlislar esa Vinisiusning taqdiri va klubning yangi transfer siyosati qanday rivoj topishini hayajon bilan kutmoqda. “Zamin”ni Telegramʻda oʻqing!