Umar Momani: Ronaldu, Messi, Fellayni, Ramos, Gvardiola, Konte, Shapekoense

Umar Momani yangi karikaturalarni taqdim etdi.

1. Tim Kexill
Avstraliya futbolida o‘ziga xos iz qoldirgan Tim Kexill 6 dekabr kuni o‘z tug‘ilgan kunini nishonladi.

2. Shvaynshtayger qaytdi!

Nihoyat Mourinoga yoqmayroq turgan Bastian Shvaynshtayger Angliya liga kubogi doirasida "Vest Xem"ga qarshi maydonga tushirildi.

3. Shapekoense uchun!

Futbol afsonalari Ronaldino va Xuan Roman Rikelme Kolumbiyada halokatga uchragan "Shapekoense" futbol klubiga o‘z xizmatini taklif qilishdi.

4. Gvardiolaning boshi

Angliya chempionatining 14-turida "Manchester Siti" o‘z maydonida "Chelsi" klubini qabul qildi va mag‘lubiyatga uchradi. Gvardiolaning taktikalari Konte mashinasi ostida "majaqlanib" ketdi.

5. Ramosning boshi

Butun dunyo tomosha qilgan el-klasikoda durang qayd etildi. Haqqoniy hisob. Agarda himoyachi Serxio Ramos so‘nggi daqiqada boshi bilan gol urib, hisobni tenglashtirmaganda...

6. Fellayni — aut?

Angliya chempionatining 14-turida "Manchester Yunayted" "Everton" mehmoni bo‘ldi. Katta ustunlik bilan g‘alaba qozonayotgan bir paytda katta sahnaga Fellayni chiqdi va o‘z jamoasi darvozasiga penalti ishladi. Mourino uni sotishga tap-tayyor turibdi.

7. Ronalduni quvayotgan Messi

Krishtianu Ronaldu EChL guruh bosqichi doirasida 11ta gol urib, rekord o‘rnatdi. Lionel Messi esa, Momanining fikricha, unga yetib olish uchun ancha ter to‘kmoqda...