Futbol olamida kutilmagan yangiliklardan biri — Italiya terma jamoasi va “PSJ” darvozaboni Janluiji Donnarumma jamoani tark etishini rasman e’lon qildi. Uning ta’kidlashicha, klubdagi sayohati jonkuyarlik va mehnat bilan to‘lgan bo‘lsa-da, kimdir uning endilikda jamoa qismi sifatida davom eta olmasligi haqida qaror chiqargan.
Darvozabon o‘z fikrlarini samimiy tarzda bildirib, “Park de Prens”da muxlislar bilan shaxsan xayrlashish umidini bildirdi. Agar bu amalga oshmasa ham, ularning qo‘llab-quvvatlashi va mehri uning qalbida abadiy saqlanishini ta’kidladi. U barcha his-tuyg‘ular, yorqin kechalar va “PSJ”dagi xotiralarni o‘z hayotining muhim qismi sifatida asrab qolishini aytib o‘tdi.
Donnarumma jamoadoshlariga ham alohida minnatdorlik izhor qildi: birga o‘tgan har bir bellashuv, har bir quvonch va mushtarak onlar uning xotirasida abadiy qolishi haqida gapirdi.
“Jamoadoshlarimga, ikkinchi oilamga: har bir kurashimiz, har bir kulgimiz, baham ko‘rgan har bir daqiqamiz uchun minnatdorman. Sizlar abadiy mening aka-ukalarim bo‘lib qolasizlar.
Bu klubda o‘ynash va bu shaharda yashash men uchun katta sharaf edi. Rahmat, Parij”, — dedi u.
Eslatib o‘tamiz, avvalroq “PSJ” bosh murabbiyi Luis Enrike Donnarummani asosiy tarkibdan chiqarib tashlagani haqida ma’lum qilgandi. Bu qaror ortidan futbolchining jamoani tark etishi kutilgan edi.
Bu voqea nafaqat parijliklar muxlislari, balki butun futbol jamoatchiligi uchun katta qiziqish uyg‘otdi. Endilikda barcha Donnarummaning yangi manzili qaysi klub bo‘lishi mumkinligini kutmoqda.
