Rossiyaning Sochi shahrida maktab o‘quvchilari o‘rtasidagi jahon chempionatida o‘zbekistonlik yosh shaxmatchilar muvaffaqiyatli ishtirok etishayotgani haqida xabar bergandik. Ular mazkur chempionatda 3 oltin, 2 kumush va 3 bronza medalni qo‘lga kiritdilar.
Jahon chempionati doirasida tashkil etilgan blis – tezkor shaxmat musobaqasida medallarga sazovor bo‘lgan Nodirbek Abdusattorov va Nodirbek Yoqubboyevlar standart shaxmat bo‘yicha bahslarda ham sovrindorlar qatoridan joy oldilar.
Nodirbek Abdusattorov o‘n uch yoshgacha o‘g‘il bolalar o‘rtasidagi bahslarda to‘qqiz partiyaning birontasida mag‘lubiyatga uchramadi va shohsupaning eng yuqori pog‘onasiga ko‘tarildi.
Nodirbek Yoqubboyev esa o‘n besh yoshgacha o‘g‘il bolalar o‘rtasidagi bahslarda to‘qqiz imkoniyatdan etti ochko jamg‘arib, uchinchi o‘rinni egalladi.
Etti yoshgacha qizlar o‘rtasidagi bahslarda Afro‘za Hamdamova 7,5 ochko bilan oltin, Odina Olimova 6,5 ochko bilan kumush medalga sazovor bo‘ldi.
Shu yoshdagi o‘g‘il bolalar o‘rtasida Humoyun Begmurodov to‘qqiz partiyaning ettitasida g‘alaba qozonib, uchinchi o‘rinni egalladi.
O‘n bir yoshgacha o‘g‘il bolalar o‘rtasida Javohir Sindorov to‘qqiz imkoniyatdan etti ochko jamg‘arib, kumush medal bilan taqdirlandi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Ortiqcha vaznli insonlar uchun sog‘lom ovqatlanishning beshta muhim qoidasi
Toshkentda 02 kodli avtoraqamlar taxminan qachon paydo bo‘lishi aytildi
Germaniyada maktab o‘quvchilari ommaviy ravishda islom dinini qabul qilmoqda
Lukashenko G‘arbga tahdid bilan chiqdi
