"Manchester Yunayted" klubi rahbariyati jamoa bosh murabbiyi Ruben Amorim bilan shartnoma uzilgan taqdirda uning o‘rnini egallashi mumkin bo‘lgan mutaxassislar ro‘yxatini tayyorlab qo‘ydi. Bu haqda Caught Offside nashri orqali ma’lum qilindi.
Manba xabariga ko‘ra, “qizil iblislar”ning qisqa ro‘yxatida ikki nom asosiy tarzda qayd etilgan. Birinchisi — hozirda "Kristal Pelas"ni boshqarib kelayotgan Oliver Glasner. Ikkinchisi esa "Bornmut" jamoasi ustozi Andoni Iraola.
Ma’lumotlarga ko‘ra, ayni paytda Glasnerning nomzodi direktorlar kengashi tomonidan eng ko‘p muhokama qilinmoqda. Avstriyalik murabbiy esa bunday imkoniyatdan xursand bo‘lib, "Manchester Yunayted"ga qo‘shilishni orzu qilishi aytilmoqda.
Shu bilan birga, klub Angliya terma jamoasining sobiq ustozi Garet Sautgeyt nomiga ham qiziqish bildirgan. Biroq bu variant hozircha ehtimoldan uzoqroq ko‘rilmoqda, sababi rahbariyat muxlislarning salbiy munosabati va ehtimoliy tanqididan xavotirda.
Muttaxassislar fikricha, “Old Trafford”dagi vaziyat yaqin haftalarda yanada qiziydi va klubning keyingi yo‘nalishi katta qiziqish bilan kuzatilmoqda. Muxlislar esa jamoa qaysi murabbiy bilan kelajakka qadam qo‘yishini intiqlik bilan kutishmoqda.
