Yevropa Ligasi qur’a tashlash marosimi ilk bor to‘liq avtomatlashtirilgan raqamli texnologiya orqali o‘tkazildi. Umumiy bosqichda jami 36 ta jamoa ishtirok etadi.
Turnirning asosiy bosqichi 2025-yil sentyabr oyida start olib, 2026-yil may oyiga qadar davom etadi. Eng muhim palla – final uchrashuvi 2026-yil 20-may kuni Istanbuldagi “Beshiktosh” stadionida bo‘lib o‘tishi rejalashtirilgan.
Yevropa Ligasi g‘olibi nafaqat kubok sohibi bo‘ladi, balki avtomatik ravishda UYEFA Chempionlar Ligasining 2026/27 yilgi umumiy bosqichiga yo‘llanma ham qo‘lga kiritadi. Shuningdek, chempion keyinchalik Chempionlar Ligasi g‘olibi bilan Yevropa Superkubogi uchun bellashish huquqiga ega bo‘ladi.
Taqvimga ko‘ra, Yevropa Ligasi asosiy bosqichining 1-tur bahslari 24–25-sentyabr kunlari bo‘lib o‘tadi. Yakuniy – 8-tur esa 2026-yil 29-yanvar kuni o‘tkazilishi belgilangan.
Mutaxassislar ta’kidlashicha, raqamli qur’a tizimi shaffoflik va xolislikni ta’minlab, turnirning nufuzini yanada oshirishi kutilmoqda.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
