Saudiya Proligasi 2025/26 mavsumining ilk turi juda yorqin bahslarga boy bo‘ldi. Saudiyaning mashhur klublaridan biri — «An Nasr» safarda «At Ta’avun» jamoasi darvozasiga beshta javobsiz gol urdi va muxlislarini xursand etdi.
Bellashuvning eng ko‘zga ko‘ringan qahramoni Joau Feliks bo‘ldi. Portugaliyalik hujumchi 7, 67 va 87-daqiqalarda raqib darvozasini ishg‘ol etib, xet-trik qayd etdi. Krishtianu Ronaldu esa 54-daqiqada penaltini aniq ijro etdi va o‘zining shaxsiy faoliyatidagi 940-golini urdi. Bu ko‘rsatkich uning butun dunyodagi tengsiz maqomini yana bir bor tasdiqladi. Shuningdek, «Bavariya»dan yangi kelgan Kingsli Koman ham o‘z debyutida darvozani ishg‘ol etishga muvaffaq bo‘ldi.
Saudiya Proligasi. 1-tur
At Ta’avun — An Nasr 0:5
Gollar: Feliks (7, 67, 87), Ronaldu (54, pen.), Koman (55).
An Nasr tarkibi: Navaf, Bushal, Simakan, Inigo, Yahyo (G‘annam, 75), Ayman, Anjelo (Al Haybari, 75), Brozovich (Al Hassan, 90), Feliks (G‘arib, 90), Koman, Mane, Ronaldu.
Shuningdek, turning yana bir muhim bahsida «Al Hilol» o‘z maydonida «Ar Riyod» ustidan 2:0 hisobida zafar qozondi. Hisobni 22-daqiqada Al Harbi ochdi, birinchi bo‘limning qo‘shimcha daqiqalarida esa Malkom jamoasi uchun ikkinchi golni kiritdi.
Al Hilol — Ar Riyod 2:0
Gollar: Harbi (22), Malkom (45+3).
Al Hilol tarkibi: Bunu, Kanselu (Al Yami, 85), Kulibali, Tambakti, Al Harbi, Nevesh, Al Dosari (Kanno, 79), Malkom (Kayo, 79), Milinkovich-Savich, Ad Dovsari, Nunes (Al Hamdan, 85).
Muttaxassislar ta’kidlashicha, «An Nasr»ning bu tarkibi chempionlik uchun jiddiy da’vogar bo‘lishi mumkin. Muxlislar esa Ronaldu va Feliksning yana qanday rekordlarga erishishini intiqlik bilan kutmoqda.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
