date

Joel Kojo nega “Neftchi”ni tanladi: qaror sabablari ochiqlandi

Joel Kojo nega “Neftchi”ni tanladi: qaror sabablari ochiqlandi

Farg‘onaning mashhur klubi — “Neftchi” jamoasi yozgi transferlar davrida hujumchi Joel Kojoni o‘z tarkibiga qo‘shib oldi. Ta’kidlash kerakki, ushbu qaror futbolchi atrofida katta qiziqish uyg‘otdi va u nima uchun aynan “Neftchi”ni tanlagani borasida shaxsan izoh berdi.

“Men chin dildan “Dinamo”ga qaytardim. Lekin bu yerda moliyaviy jihat hal qiluvchi omilga aylandi. “Istiqlol” ijara puli sifatida belgilangan mablag‘ni “Neftchi” qoplay oldi. Shu bois tanlovim Farg‘ona klubi foydasiga hal bo‘ldi. Muxlislar meni noto‘g‘ri anglab qolmasliklarini so‘rayman. Axir “Dinamo” orqali terma jamoaga chaqiruv olganim rost. U klub va uning muxlislarini doim hurmat qilaman”, — dedi Kojo jurnalistlar bilan suhbatda.

Hujumchiga nisbatan “Nasaf”, “Navbahor” va “Andijon” kabi jamoalar ham qiziqish bildirgani ma’lum qilindi. Biroq oxir-oqibat Joelning yo‘li “Neftchi”ga tushdi.

“Futbolchi hayotida tanlov ko‘p bo‘ladi. Bu gal men uchun Farg‘onada to‘p surish nasib etdi. Bu jamoa tarkibida qo‘limdan kelganicha kurashaman va muxlislarni xursand qilishga harakat qilaman”, — deya so‘zini yakunladi Kojo.

Muttaxassislar ta’kidlashicha, yangi hujumchi klub hujum chizig‘ini kuchaytirishda muhim ahamiyat kasb etadi. Farg‘ona muxlislari esa uning maydondagi o‘yinlarini katta intiqlik bilan kutmoqda.

Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Sport » Joel Kojo nega “Neftchi”ni tanladi: qaror sabablari ochiqlandi