Aralash jang san’ati olamida katta nom qozongan amerikalik mashhur fayter Neyt Diaz o‘zining oktagonga nega haligacha qayta olmayotganini aniqroq izohlab berdi.
«Hozirda ehtimoliy raqiblarimning barchasi band. Shu bois hech kim bilan jang tashkil etish imkoni yo‘q. Men yiliga kamida uch marta oktagonga chiqishni xohlayman, ammo hozir barcha jangchilar qo‘yilgan rejalarga ega. Qanchalik tezroq qaytsam, shunchalik yaxshi, lekin vaziyat shu tariqa kechmoqda», — deb Diazning so‘zlarini keltiradi MMA Junkie.
Eslatib o‘tish lozim, 40 yoshli amerikalik sportchi avvalroq ikki vazn toifasida UFC chempioni bo‘lgan irlandiyalik Konor Makgregor bilan janglar seriyasini yakunlash maqsadida trilogiya o‘tkazishga tayyorligini bildirgan edi.
Diazning bu gaplari jang ixlosmandlari orasida katta qiziqish uyg‘otdi. Uning qaytishi qachon amalga oshishi va qaysi raqibga qarshi oktagonga chiqishi esa hozircha noaniqligicha qolmoqda.
