Angliya premer-ligasining 3-turidan o‘rin olgan eng markaziy to‘qnashuvda «Liverpul» o‘z uyida «Arsenal»ni qabul qildi va muxlislar tomonidan unutilmas o‘yin sifatida baholanadigan bellashuvga guvoh bo‘ldi.
Biroz sukunatda o‘tgan bahs 83-daqiqada hal bo‘ldi. Vengriyalik mahoratli yarimhimoyachi Dominik Soboslai joydan berilgan jarima zarbasini noyob uslubda aniq yo‘llab, darvozabon David Rayyani himoyasiz qoldirdi. Ushbu g‘alaba keltirgan gol «Enfild»ni to‘ldirgan minglab ishqibozlar uchun bayram tuyg‘usini olib keldi.
Amaldagi chempion «Liverpul» shu g‘alabasi orqali ochkolarini 9 taga yetkazdi va musobaqada yagona ochko yo‘qotmagan jamoa sifatida peshqadamlikni saqlab qoldi. Arteta boshchiligidagi «Arsenal» esa bu mag‘lubiyatdan so‘ng 6 ochko bilan uchinchi o‘ringa tushib qoldi.
APL. 3-tur
Liverpul — Arsenal 1:0
31-avgust. «Enfild» stadioni
Gol: Soboslai (83).
Liverpul: Alisson, van Deyk, Konate (Gomes, 79), Kerkez, Soboslai, Gravenberh, Mak Allister (Jons, 62), Virts (Endo, 89), Saloh, Gakpo, Ekitike (Keza, 79).
Arsenal: Rayya, Timber, Saliba (Moskera, 5), Gabriel, Kalafiori, Subimendi, Rays, Merino (Edegor, 70), Madueke (Douman, 90), Martinelli (Eze, 70), Gokeresh.
Ogohlantirishlar: Gravenberh (24), Gokeresh (66), Subimendi (88), Endo (90+8).
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
