CAFA Nations Cup’ning 2-turidan o‘rin olgan Turkmaniston – O‘zbekiston (1:2) bahsidan so‘ng terma jamoa futbolchisi Diyor Xolmatov jurnalistlar savollariga javob qaytardi.
– Uchrashuv haqiqatan ham juda maroqli va bir vaqtning o‘zida og‘ir o‘tdi. Eng muhimi – g‘alabaga erishdik. Endi e’tiborimizni keyingi bellashuvga qaratamiz, – dedi u.
Futbolchi hisob yirikroq bo‘lishi mumkinligi haqida ham to‘xtaldi:
– Bir kishi kam o‘ynaganimiz sabab vaziyatlar soni qisqardi. Bir futbolchi kam bo‘lsa, charchoq ko‘proq seziladi va imkoniyatlar ham shunga yarasha kamayadi, – deya ta’kidladi Xolmatov.
Bosh sovrin uchun kurashda birinchi o‘rin masalasi haqida u shunday fikr bildirdi:
– Xudo xohlasa, uchinchi o‘yinda ham g‘alaba qozonamiz. Bizga bu bosqichda faqat g‘alaba kerak, – dedi futbolchi ishonch bilan.
Shaxsiy o‘yini haqida so‘ralganda esa u kulimsirab javob berdi:
– Bugun qanday o‘ynaganimni dadamdan so‘rayman, – dedi u hazil bilan.
Terma jamoaning yangi liboslari haqida ham o‘z fikrini bildirib o‘tdi:
– Yangi brenddagi formalar juda yaxshi, sifati yuqori darajada. Ijobiy hissiyot qoldiradi, juda qulay, – dedi Xolmatov.
So‘ngra yangi barpo etilgan stadion haqida ham to‘xtalib o‘tdi:
– Yangi stadion holati haqiqatan ham yaxshi. Endi asosiysi – unda futbol o‘ynash va muxlislarga shodlik ulashish, – deya fikrini yakunladi u.
“Zamin”ni Telegramʻda oʻqing!
