«Oltin to‘p-2025» sovrinini qo‘lga kiritish jarayoni futbol dunyosida katta qiziqish bilan kuzatildi. Ushbu nufuzli mukofotni aniqlash jarayonida har bir mamlakatdan belgilangan jurnalistlar ishtirok etib, o‘z ovozlarini berdi. O‘zbekiston nomidan so‘rovnomada qatnashgan tajribali jurnalist Narzulla Saydullaev ham ovoz berish natijalarini oshkor qildi.
Ma’lum bo‘lishicha, u birinchi o‘rin uchun sovrin sohibi Usmon Dembelega ovoz bergan. Fransiya terma jamoasi va «Pari Sen-Jermen» yulduzi Dembele so‘nggi mavsumda ko‘rsatgan yuqori saviyadagi o‘yini orqali haqli ravishda jurnalistning ishonchini qozongan.
Ikkinchi o‘ringa esa «Barselona»ning yosh iqtidorli futbolchisi Lamin Yamal qo‘yildi. Uning mahoratli o‘yinlari, muhim gollari va golli uzatmalari jurnalist nazaridan chetda qolmadi. Uchinchi o‘rin esa Portugaliyaning yangi yulduzi Vitinyaga nasib etdi.
Shu bilan birga, Narzulla Saydullaevning ovoz berish tartibi quyidagicha shakllandi:
-
Usmon Dembele
-
Lamin Yamal
-
Vitinya
-
Rafinya
-
Muhammad Saloҳ
-
Pedri
-
Kilian Mbappe
-
Nuno Mendesh
-
Koul Palmer
-
Viktor Gyokeresh
Jurnalistning ushbu tanlovi futbol ishqibozlari orasida qizg‘in muhokamalarga sabab bo‘ldi. Chunki u nafaqat nomzodlarning individual mahoratlarini, balki mavsum davomida ko‘rsatgan ta’sirchan o‘yinlarini ham inobatga olgan.
“Zamin”ni Telegramʻda oʻqing!
