Nurmagomedov otasi va ustozini futbol afsonalari bilan qiyosladi

UFC'ning sobiq chempioni Xabib Nurmagomedov o‘z otasi va murabbiyi Abdulmanap Nurmagomedovni mashhur futbol murabbiyi ser Aleks Fergyusonga tenglashtirdi.

Shuningdek, u sobiq ustozi Xavyer Mendesni Karlo Anchelotti bilan qiyosladi.

«Menimcha, otam — ser Aleks Fergyuson kabi, Xavyer Mendes esa Karlo Anchelottidek. Albatta, Xosep Gvardiola ham buyuk murabbiy, lekin buning o‘zi yetarli emas. U yana bir necha mavsum, balki o‘n yillab yuqori pog‘onalarda qolishi kerak. U qancha yildan beri yuqorida? 15 yil? Fergyuson va Anchelotti esa taxminan 30 yil davomida oliy darajada bo‘lishdi. Xuddi otam va Xavyer kabi», — dedi Xabib intervyusida.