O‘zbekiston futbol assotsiatsiyasi rasman e’lon qildi: 2006 yilgi Jahon chempionati g‘olibi, Italiya futboli afsonasi Fabio Kannavaro endilikda O‘zbekiston milliy terma jamoasining bosh murabbiyi bo‘ldi.
Taniqli mutaxassis 3 marta Jahon chempionatida ishtirok etgan va 2006-yilda Italiya bilan chempion bo‘lgan. Endi u O‘zbekiston terma jamoasini 2026-yilda AQSH, Kanada va Meksikada bo‘lib o‘tadigan mundialga tayyorlaydi.
Kannavaro o‘z shtabi bilan ish boshlaydi. Unga quyidagi mutaxassislar yordam beradi:
• Aujenio Albarella — yordamchi murabbiy (Yaponiya terma jamoasi, “Yuventus”, “Udineze” va “Dinamo Zagreb”da ishlagan);
• Troyze Franchesko — jismoniy tayyorgarlik bo‘yicha murabbiy (“Benevento”, “Udineze” va “Dinamo Zagreb”da faoliyat yuritgan);
• Antonio Kimenti — darvozabonlar murabbiyi (Italiya yoshlar terma jamoasi, “Sampdoriya” va “SPAL”da ishlagan).
Bu tayinlov O‘zbekiston futboli uchun yangi bosqichni anglatadi — jahon darajasidagi tajriba va professional yondashuv milliy jamoani yangi maqsadlar sari yetaklaydi.
“Zamin”ni Telegramʻda oʻqing!
