Qozog‘iston milliy jamoasi boshqaruvida yangi sahifa ochilishi mumkin. Jurnalist Mateush Borekning YouTube-kanalidagi ma’lumotiga ko‘ra, polyak mutaxassis Mixail Probej Qozog‘iston futbol federatsiyasi bilan hamkorlik borasida kelishuvga erishgan. Rasmiy e’lon yaqin kunlarda kutilmoqda, shartnoma tafsilotlari hozircha oshkor etilgani yo‘q.
53 yoshli murabbiy 2023–2025-yillarda Polsha termasini boshqargan, shuningdek, Gretsiyaning “Aris” klubida ish tajribasiga ega. Yevropada to‘plangan bilim va uslubi Qozog‘iston jamoasiga yangi nafas va raqobatbardoshlik olib kelishi mumkin, degan umidlar bor.
Ma’lumki, sentyabr oyida bosh murabbiy lavozimini Ali Aliyev tark etgan, u esa bu vazifani rossiyalik mutaxassis Stanislav Cherchesovdan qabul qilib olgan edi. Endi esa Qozog‘iston termasi oldida navbatdagi bosqich — yangi ustoz qo‘l ostida jamoani qayta yig‘ib, yirik musobaqalarga munosib tayyorgarlik ko‘rish turibdi.
“Zamin”ni Telegramʻda oʻqing!
