“Manchester Siti”ning tajribali markaziy himoyachisi Jon Stounz oxirgi mavsum unga juda og‘ir kechganini va hatto butunlay butsani mixga ilmoqchi bo‘lganini ochiq aytti. Uning so‘zlaricha, uzluksiz jarohatlar, uzoq tiklanish va maydonga qaytishdagi qiyinchiliklar ruhiy tomondan qattiq bosim bergan.
Stounzning ta’kidlashicha, u professional sportchi sifatida barcha qoidalarga rioya qilgan, yuklama va ovqatlanish rejimini nazorat qilgan, biroq shunga qaramay omadsizliklar ketma-ket kelgan. “Nimaga bunday bo‘layotganini tushunmasang, yanada og‘ir bo‘lar ekan. Hammasini to‘g‘ri qilyapman, deb o‘ylaysan-u, baribir muammo chiqsa — ruhing sinadi. Endilikda bu holat qaytarilmasligiga umid qilaman”, — deya qayd etdi u.
31 yoshli himoyachi “Barnsli” tizimida shakllanib, 2013-yilda “Everton”ga o‘tgan. 2016-yili “Siti” uni 55,6 mln yevro evaziga qo‘lga kiritdi va Pep Gvardiola qo‘l ostida chempionliklar, mamlakat kuboklari hamda xalqaro sovrinlar sari yo‘l oldi. Shartnomasi 2026-yil yozigacha amal qiladi, shunga qaramay, uning klubdagi kelgusi mavsumlariga doir savollar hali ochiqcha qolmoqda.
Muxlislar esa Stounz yana sog‘lom tarkibda maydonga qaytib, mana shu ruhiy-jismoniy sinovdan keyingi yangi bosqichda yana o‘ziga xos barqaror o‘yinini namoyon etishiga umid qilib turishibdi.
“Zamin”ni Telegramʻda oʻqing! 
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
