"Barselona"ning yosh va umidli himoyachisi Pau Kubarsi Ispaniya futbolidagi eng qiziqarli savollardan biriga javob berdi — u "Real"ning qaysi yulduziga qarshi o‘ynash qiyinligini aytdi.
Unga Mbappe va Bellingem kabi ikki top hujumchi orasida qaysi biri ko‘proq qiyinchilik tug‘dirayotganligi haqida savol berildi.
– Har ikkisi bilan o‘ynash oson emas. Mbappe juda tezkor, maydon bo‘ylab harakatda va doim hujumda xavf tug‘diradi. Bellingem esa, aksincha, kutilmagan holda, orqadan yoki markazdan hujumga qo‘shiladi. Men uchun Mbappe tezligi va reaktsiyasi bilan xavfliroq. U to‘pni qabul qilgan zahoti gol urish imkoniyatiga ega, – dedi Pau Kubarsi.
Yosh himoyachi shu orqali e’tirof etdiki, Mbappe bilan to‘qnash kelgan har bir daqiqa katta sinovdir. Bellingem esa pozitsiyaviy o‘yini bilan uning diqqatini talab qiladi.
Futbol muxlislari esa endi “El-Klasiko”da bu ikki yulduz va Kubarsining to‘qnashuvini intiqlik bilan kutmoqda.
Ma’lumot uchun, yangi mavsumdagi ilk “Barselona” – “Real” uchrashuvi 26 oktyabr kuni Madriddagi “Santyago Bernabeu” stadionida bo‘lib o‘tadi. Bu bahs La Liganing 10-turiga to‘g‘ri keladi va chempionlik poygasida muhim ahamiyat kasb etadi.
“Zamin”ni Telegramʻda oʻqing!
