«Barselona» bosh murabbiyi Xans-Diter Flik jamoa hujumchisi Markus Reshford haqida fikr bildirdi. Germaniyalik mutaxassisning ta’kidlashicha, ingliz futbolchisi bir nechta pozitsiyada o‘ynay olishi bilan jamoaga katta foyda keltirayotgani qayd etilgan.
«Reshford markazda to‘p surish uchun yaxshi variant, biroq u chap qanotda ham samarali harakat qila oladi. Biz uni tarkibga olayotganda aynan shu ko‘p qirrali o‘yin uslubini inobatga olganmiz. So‘nggi haftalarda Markus juda yaxshi formada va jamoaga katta hissa qo‘shmoqda», — dedi Flik.
Tahlilchilar fikricha, Flikning bu so‘zlari Reshfordning «Barselona»dagi rolini yanada mustahkamlashi mumkin. Sababi, Flik uni ko‘p funksiyali hujumchi sifatida ko‘rmoqda — u nafaqat markazda, balki qanotda ham raqiblarning himoya tizimini buzish qobilyatiga ega.
Ma’lumot uchun, 27 yoshli futbolchi joriy mavsum Kataloniya klubi safida 11 ta bahsda maydonga tushgan. U shu o‘yinlar davomida 3 ta gol urib, 5 ta golli uzatmani amalga oshirgan.
Mahalliy muxlislar orasida ham Reshfordning o‘yiniga qiziqish ortib borayotgani aytiladi. Uning tezligi, maydondagi faolligi va jamoaviy harakatlarga tez moslasha olishi «Barselona» hujumini yangi darajaga olib chiqishi mumkinligini ko‘pchilik ta’kidlamoqda.
Shu tariqa, Xans-Diter Flikning rahbarligi ostida Reshford jamoaning asosiy quroliga aylanayotgani kuzatilmoqda. Kataloniyaliklar uchun esa bu mavsumda uning formasi hal qiluvchi omillardan biri bo‘lishi mumkin.
“Zamin”ni Telegramʻda oʻqing!
