David Alaba so‘nggi dam olish kunlari o‘tkazilgan “Real” va “Xetafe” o‘rtasidagi o‘yinda maydonni tark etdi. Tibbiy ko‘rik natijasiga ko‘ra, avstriyalik futbolchi boldir mushaklarini cho‘zib oldi.
Euro-football.ru ma’lumotiga ko‘ra, Alaba taxminan bir hafta maydonga tusha olmaydi. Mutaxassislar Alabaning “Yuventus” va “Barselona”ga qarshi uchrashuvlarda ishtirok eta olmasligini kutmoqda.
Shu sababli “Real”ning himoya chizig‘ida muammolar kuchaymoqda. Jamoa safida so‘nggi vaqtlarda bir nechta asosiy himoyachilar ham jarohat sabab o‘ynay olmadi.
“Xetafe”ga qarshi bahsda Dani Karvaxal, Trent Aleksander-Arnold, Ferlan Mendi, Antonio Ryudiger va Din Xeysen ham maydonga chiqmadi. Klub ichidagi manbalarga ko‘ra, Xeysen, Trent va Karvaxal tez orada safga qaytishi kutilmoqda.
“Real” oldinda muhim o‘yinlarga tayyorlanmoqda va murabbiylar tarkibda yo‘qotishlarni minimallashtirishga harakat qilmoqda. Jamoa so‘nggi yillarda jarohatlar bilan bog‘liq muammolarga tez-tez duch kelmoqda.
Klub tibbiy shtabi futbolchilarning tezroq sog‘ayishi uchun qo‘shimcha choralar ko‘rmoqda. “Real” yaqin kunlarda asosiy himoyachilari bilan to‘liq safda harakat qilishga umid qilmoqda.
“Zamin”ni Telegramʻda oʻqing!
