Madridning "Real" klubi sobiq hujumchisi Predrag Miyatovich jamoa darvozaboni Tibo Kurtua o‘yini haqida fikr bildirdi. Kecha UEFA Chempionlar ligasi doirasidagi "Yuventus"ga qarshi o‘yin belgiyalik posbon uchun "Real" safida 300-uchrashuv bo‘ldi.
Miyatovichning ta’kidlashicha, Kurtua "Real" tarixidagi eng yaxshi darvozabon hisoblanadi. U Iker Kasilyasni yuqori baholagan bo‘lsa-da, Kurtuaning o‘yini alohida e’tiborga loyiq ekanini aytdi.
Euro-football.ru yozishicha, serb mutaxassis o‘z fikrini Cadena Ser radiostansiyasiga bildirgan. Chempionlar ligasi guruh bosqichining uchinchi turida "Real" o‘z maydonida "Yuventus"ni 1:0 hisobida mag‘lub etdi.
Kurtua 2018-yildan beri Madrid klubida asosiy darvozabon sifatida harakat qilmoqda. Belgiya terma jamoasi a’zosi o‘tgan yillarda bir nechta sovrinlarni qo‘lga kiritdi.
"Real" safida Kurtua faoliyati davomida klub bilan birga ko‘plab yutuqlarga erishgan. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
